چینی سائنسدانوں نے کوئلے سے بجلی پیدا کرنیوالی ڈیوائس تیار کرلی

چینی سائنسدانوں نے کوئلے سے بجلی پیدا کرنیوالی ڈیوائس تیار کرلی

چین میں سائنسدانوں کی بڑی پیش رفت، کوئلے سے بجلی بنانے کا نیا ماحول دوست طریقہ سامنے آ گیا

چین کی شینزن یونیورسٹی کے سائنسدانوں نے ایک ایسی بیٹری جیسی ڈیوائس تیار کی ہے جس کے ذریعے کوئلے کو جلائے بغیر اس کی کیمیائی توانائی کو براہ راست بجلی میں تبدیل کیا جا سکتا ہے۔ اس نئی ٹیکنالوجی کو “کوئلہ فیول سیل” کا نام دیا گیا ہے۔

ماہرین کے مطابق اس نظام میں کوئلے کو جلانے کی ضرورت نہیں ہوتی، اس لیے کاربن ڈائی آکسائیڈ کا اخراج بھی نہیں ہوتا، جو اسے روایتی طریقوں کے مقابلے میں زیادہ ماحول دوست بناتا ہے۔

سائنسدانوں کا کہنا ہے کہ اس سسٹم میں کوئلے کے ذرات ایک خاص برقی کیمیکل عمل سے گزرتے ہیں، جس کے نتیجے میں بجلی پیدا ہوتی ہے۔ اس طریقے میں توانائی کا ضیاع بھی کم ہوتا ہے، جو عام کوئلہ جلانے کے عمل میں ہوتا ہے۔

تاہم یہ ابھی ابتدائی مرحلے یعنی کانسیپٹ لیول پر ہے، اور اسے عملی طور پر بڑے پیمانے پر استعمال کے لیے مزید تحقیق اور بہتری کی ضرورت ہے۔