خیبرپختونخوا: تعلیمی نصاب میں تبدیلی, ہندکو سمیت علاقائی زبانوں کی نئی کتب شامل

خیبرپختونخوا: تعلیمی نصاب میں تبدیلی, ہندکو سمیت علاقائی زبانوں کی نئی کتب شامل

خیبرپختونخوا ٹیکسٹ بک بورڈ نے تعلیمی سال 2026-27 کے لیے نصابی کتب میں اہم تبدیلیوں کا اعلان کر دیا ہے۔ نئے فیصلے کے مطابق جماعت ششم سے بارہویں تک کمپیوٹر سائنس اب صرف انگریزی زبان میں پڑھائی جائے گی جبکہ اردو ورژن مکمل طور پر ختم کر دیا گیا ہے۔

نوٹیفکیشن کے مطابق

جماعت ششم تا آٹھویں کی کمپیوٹر سائنس کی کتابیں صرف انگریزی میں شائع ہوں گی۔

جماعت نہم و دہم اور گیارہویں و بارہویں کی کمپیوٹر سائنس کی کتب بھی صرف انگریزی ورژن میں دستیاب ہوں گی۔

اسی کے ساتھ قومی نصاب 2013 کے تحت علاقائی زبانوں کی نئی کتابیں بھی شامل کی گئی ہیں، جن میں

پشتو

ہندکو

سرائیکی

کھوار (پہلی مرتبہ)

شامل ہیں۔

ٹیکسٹ بک بورڈ نے ان زبانوں کی کتب کی اشاعت کے لیے مخصوص پبلشرز بھی مقرر کیے ہیں۔

مزید برآں، جماعت ششم تا بارہویں کے لیے “مطالعہ القرآن الحکیم” کی کتب ڈی آئی ایل ایم فاؤنڈیشن کراچی کی منظور کی گئی ہیں، جبکہ قومی نصاب 2024-25 کے مطابق متعدد نصابی کتابوں پر نظرثانی بھی مکمل کر لی گئی ہے۔