پیٹرولیم قیمتوں کا بوجھ عوام پر کم رکھا جائے، صدر مملکت کی ہدایت

پیٹرولیم قیمتوں کا بوجھ عوام پر کم رکھا جائے، صدر مملکت کی ہدایت

اسلام آباد: آصف علی زرداری نے وفاقی وزرا کو ہدایت کی ہے کہ پیٹرولیم مصنوعات کی قیمتوں کا بوجھ عام آدمی پر کم سے کم رکھا جائے۔

ایوانِ صدر میں ہونے والی ملاقات میں محسن نقوی نے دہشتگردی کے خلاف جاری کارروائیوں اور سرحدی صورتحال پر بریفنگ دی، جبکہ محمد اورنگزیب اور علی پرویز ملک نے معاشی اشاریوں اور پیٹرولیم مصنوعات سے متعلق حکومتی اقدامات سے آگاہ کیا۔

ملاقات کے دوران پاک افغان کشیدگی اور علاقائی سیکیورٹی چیلنجز کا بھی تفصیلی جائزہ لیا گیا۔

اس موقع پر بلاول بھٹو زرداری اور مراد علی شاہ بھی موجود تھے۔