موٹرسائیکل کے تنازع پر فائرنگ، پشاور میں دو کم عمر سگے بھائی جاں بحق
پشاور: تھانہ خزانہ کی چوکی صوبت خان گھڑی کی حدود میں موٹرسائیکل کے معاملے پر ہونے والی معمولی تکرار کے دوران فائرنگ سے دو کم عمر سگے بھائی جاں بحق ہوگئے۔
پولیس کے مطابق فائرنگ کا واقعہ ماموں زاد بھائیوں کے درمیان پیش آیا۔ ابتدائی اطلاعات کے مطابق موٹرسائیکل پر تلخ کلامی کے بعد فائرنگ کی گئی، جس کے نتیجے میں دونوں بھائی جان کی بازی ہار گئے۔
واقعے کے بعد دونوں لاشوں کو پوسٹ مارٹم کے لیے اسپتال منتقل کردیا گیا، جبکہ پولیس نے ملزمان کی گرفتاری کے لیے کارروائی شروع کردی ہے۔
ایک موٹرسائیکل کے تنازع نے دو نوجوانوں کی جان لے لی اور خاندان کو غم و صدمے سے دوچار کردیا۔ معمولی اختلافات کو تشدد اور دشمنی میں بدلنے کے بجائے صبر اور بات چیت سے حل کرنا ضروری ہے۔

Tags:
Two young brothers killed in Peshawar following a dispute over a motorcycle
Categories:
Latest News

