Categories: Sports

عمران خان کرکٹ سٹیڈیم میں تعمیراتی کام مکمل، افتتاح جلد متوقع: سید فخر جہاں

عمران خان کرکٹ سٹیڈیم میں تعمیراتی کام مکمل، افتتاح جلد متوقع: سید فخر جہاں

پشاورلائیو (محمد سعد) صوبائی وزیر برائے کھیل و امور نوجوانان سید فخر جہاں نے کہا ہے کہ عمران خان کرکٹ سٹیڈیم (سابقہ ارباب نیاز کرکٹ سٹیڈیم) میں تعمیراتی کام مکمل کر لیا گیا ہے اور نمائشی میچ کے لیے تمام تیاریاں مکمل ہیں۔ ان خیالات کا اظہار انہوں نے سٹیڈیم کے دورے کے موقع پر میڈیا سے گفتگو کرتے ہوئے کیا۔

صوبائی وزیر کا کہنا تھا کہ اب پاکستان کرکٹ بورڈ (پی سی بی) پر منحصر ہے کہ کب نمائشی میچ کا انعقاد کیا جائے گا۔ انہوں نے بتایا کہ وزیر اعلیٰ خیبرپختونخوا علی امین گنڈا پور سٹیڈیم کا باضابطہ افتتاح ایک نمائشی میچ کے دوران کریں گے، جس کے بعد یہ میدان کرکٹ کے مختلف مقابلوں کے لیے مکمل طور پر کھول دیا جائے گا۔

فخر جہاں نے مزید کہا کہ پشاور میں ثقافتی کھیلوں کے فروغ کے لیے ایک نیا اور بڑا سٹیڈیم بھی تعمیر کیا جائے گا، جہاں تمام جدید سہولیات دستیاب ہوں گی۔ انہوں نے کہا کہ صوبے میں کرکٹ کا بے پناہ ٹیلنٹ موجود ہے اور عمران خان کرکٹ سٹیڈیم کی تعمیر سے مقامی کھلاڑیوں کو اپنی کارکردگی نکھارنے کے بہترین مواقع میسر آئیں گے۔

اس موقع پر ڈائریکٹر جنرل سپورٹس تاشفین حیدر، اسسٹنٹ ڈائریکٹر فنانس شاہ فیصل، ڈائریکٹر سٹیڈیم سلیم رضا اور ایکس ای این ریاض بنگش بھی موجود تھے، جنہوں نے سٹیڈیم کی تکمیل سے متعلق تفصیلی بریفنگ دی۔

ایک سوال کے جواب میں صوبائی وزیر نے بتایا کہ سٹیڈیم کا نام صوبائی کابینہ کے فیصلے کے مطابق “عمران خان کرکٹ سٹیڈیم” رکھا گیا ہے اور سٹیڈیم کے تمام انکلوژرز خیبرپختونخوا کے معروف کھلاڑیوں کے ناموں سے منسوب کیے جائیں گے۔

ان کا کہنا تھا کہ ہماری کوشش ہے کہ جلد از جلد یہاں پی ایس ایل، ڈومیسٹک اور انٹرنیشنل کرکٹ میچز منعقد کیے جائیں تاکہ خیبرپختونخوا کے شائقین کرکٹ اپنے ہیروز کو اپنے شہر میں ایکشن میں دیکھ سکیں۔

 

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

3 hours ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

14 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

21 hours ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

23 hours ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

2 days ago