Categories: Latest News

پشاور میں بدامنی عروج پر، شہری شدید عدم تحفظ کا شکار

 

پشاور میں بدامنی عروج پر، شہری شدید عدم تحفظ کا شکار

پشاور میں امن و امان کی بگڑتی ہوئی صورتحال نے شہریوں کو شدید عدم تحفظ کا شکار کر دیا ہے۔ شہر کے مختلف علاقوں میں قتل، ڈکیتی، راہزنی، منشیات فروشی اور موبائل سنیچنگ کی وارداتیں روزمرہ معمول بن چکی ہیں، جبکہ قانون نافذ کرنے والے ادارے صرف رسمی ناکوں اور نمائشی کارروائیوں تک محدود نظر آ رہے ہیں۔

تین روز قبل جمیل چوک میں دن دیہاڑے دشمنی کی بنیاد پر چھ افراد کو بیچ سڑک قتل کر دیا گیا، جس سے علاقے میں خوف و ہراس کی فضا قائم ہو گئی۔ دلزاک روڈ پر ایک اور افسوسناک واقعہ اس وقت پیش آیا جب ایک نوجوان ٹک ٹاکر لڑکی کو صرف اس لیے قتل کر دیا گیا کہ اس نے مبینہ طور پر دوستی کی پیشکش قبول کرنے سے انکار کیا تھا۔

اسی طرح ایک خاتون پولیس کانسٹیبل کو ٹارگٹ کلنگ کا نشانہ بنایا گیا، جس پر سوشل میڈیا اور نوجوان طبقے میں شدید ردعمل سامنے آیا۔

شہر میں موبائل اور نقدی چھیننے، گاڑیاں اور موٹر سائیکل چوری ہونے کی وارداتوں میں بھی نمایاں اضافہ ہو چکا ہے۔ شہریوں کا کہنا ہے کہ پولیس میں مقدمات درج کروانے کے باوجود بیشتر کیسز میں کوئی پیش رفت نہیں ہوتی۔

مزید برآں، نشہ آور اشیاء کی فروخت میں بھی تشویشناک حد تک اضافہ ہوا ہے۔ شہریوں کے مطابق ہر قسم کا نشہ، بشمول آئس، گھر کی دہلیز پر آن لائن دستیاب ہے جبکہ نشے کے اڈے کھلے عام کام کر رہے ہیں۔ پولیس کی جانب سے ان عناصر کے خلاف کسی قسم کی مؤثر کارروائی دیکھنے میں نہیں آ رہی۔

شہریوں اور سماجی تنظیموں نے حکومت اور پولیس حکام سے مطالبہ کیا ہے کہ پشاور میں بڑھتے ہوئے جرائم کو روکنے کے لیے فوری اور ہنگامی بنیادوں پر مؤثر اقدامات کیے جائیں تاکہ عوام کو تحفظ کا احساس دلایا جا سکے۔

Publisher 

Recent Posts

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

12 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

1 day ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

2 days ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

2 days ago