Peshawar: The opening ceremony of the ICC Champions Trophy at the Arbab Niaz Cricket Stadium was marred by mismanagement.
پشاور: خیبر پختونخوا حکومت نے پشاور کے ارباب نیاز کرکٹ اسٹیڈیم کو پاکستان کرکٹ بورڈ (پی سی بی) کے تحویل میں دینے کے لیے سنجیدہ اقدامات شروع کر دیے ہیں، تاکہ صوبے میں بین الاقوامی کرکٹ کی باقاعدہ بحالی کی راہ ہموار کی جا سکے۔
ذرائع کے مطابق اس حوالے سے خیبر پختونخوا حکومت اور پی سی بی کے درمیان رابطے جاری ہیں، جبکہ باہمی شرائط کو حتمی شکل دینے کے لیے مذاکرات کے دو دور مکمل ہو چکے ہیں۔
ذرائع کا کہنا ہے کہ قانونی اور انتظامی شفافیت یقینی بنانے کے لیے حکومت قذافی اسٹیڈیم لاہور اور نیشنل اسٹیڈیم کراچی کے حوالے سے پی سی بی کے ساتھ طے شدہ معاہدوں کا بھی تفصیلی جائزہ لے رہی ہے، تاکہ اسی طرز پر مناسب ماڈل اختیار کیا جا سکے۔
خیبر پختونخوا کے مشیرِ کھیل تاج محمد ترند نے اس پیشرفت کی تصدیق کرتے ہوئے کہا کہ صوبائی حکومت کی اولین ترجیح خیبر پختونخوا میں بین الاقوامی کرکٹ کی بحالی اور عالمی مقابلوں کا انعقاد ہے۔
انہوں نے کہا کہ قذافی اور نیشنل اسٹیڈیم کے معاہدوں کا جائزہ لیا جا رہا ہے، تاہم ارباب نیاز کرکٹ اسٹیڈیم کو پی سی بی کے حوالے کرنے کا حتمی فیصلہ تمام قانونی، انتظامی اور مالی پہلوؤں کی مکمل جانچ پڑتال کے بعد کیا جائے گا۔
پشاور، مبینہ اجتماعی زیادتی کے 4 ملزمان نامعلوم افراد کی فائرنگ سے ہلاک پشاور: دنیا…
خیبرپختونخوا کے ڈگری کالجز میں سٹوڈنٹس ای اٹینڈنس سسٹم کا آغاز پشاور، 10 ستمبر: خیبرپختونخوا…
پشاور میں دو خواتین سے مبینہ زیادتی، مالک مکان سمیت 4 ملزمان گرفتار پشاور: گڑھی…
پشاور: کمسن بچی اور شوہر کے سامنے اسلحے کے زور پر 2 خواتین کے ساتھ…
خیبرپختونخوا: ایک سوتن نے مبینہ طور پر دوسری کو قتل کردیا، بعد ازاں خود بھی…
پشاور: حیات آباد نرسنگ کالج میں طلبہ احتجاج، پولیس افسران عہدوں سے ہٹا دیے گئے…