Peshawar: The 70th National Track Cycling Championship will begin in Lahore from November 15.
پشاور (محمد سعد) — پاکستان سائیکلنگ فیڈریشن کے زیر اہتمام 70ویں نیشنل ٹریک سائیکلنگ چیمپئن شپ 15 سے 17 نومبر 2025 تک سائیکلنگ ویلوڈرم لاہور میں منعقد ہوگی۔
اس قومی ایونٹ میں پاکستان سائیکلنگ فیڈریشن سے منسلک تمام یونٹس کے سینئر اور جونیئر مرد و خواتین سائیکلسٹس شرکت کریں گے۔ چیمپئن شپ کا مقصد مسابقتی سائیکلنگ کو فروغ دینا، نئے ٹیلنٹ کی تلاش، اور کھیل میں پاکستان کی پوزیشن کو مزید مضبوط بنانا ہے۔
پاکستان سائیکلنگ فیڈریشن کے صدر سید اظہر علی شاہ نے کہا کہ تمام الحاق شدہ یونٹس کو مشورہ دیا گیا ہے کہ وہ ایونٹ سے قبل اپنے کھلاڑیوں کی بھرپور تیاری کریں اور تربیتی کیمپس کا اہتمام کریں۔
انہوں نے کہا کہ
“نیشنل ٹریک چیمپئن شپ ہمارے سالانہ کھیلوں کے کیلنڈر کا ایک اہم حصہ ہے، اور ہمیں توقع ہے کہ تمام صوبے اور ادارے بھرپور شرکت کریں گے۔”
پی سی ایف کی جانب سے ایونٹ کا تفصیلی شیڈول اور تکنیکی ہدایات جلد جاری کی جائیں گی۔ تمام کھلاڑیوں کو ہدایت کی گئی ہے کہ وہ اپنے سائیکلنگ لائسنس دسمبر 2025 تک تجدید کرائیں، جبکہ جونیئر کھلاڑیوں کے لیے نادرا کا اسمارٹ کارڈ لازمی قرار دیا گیا ہے۔
چیمپئن شپ کے دوران بہترین کارکردگی دکھانے والے کھلاڑیوں کا انتخاب بھی کیا جائے گا تاکہ انہیں 2026ء میں ہونے والی ایشین ٹریک سائیکلنگ چیمپئن شپ میں قومی ٹیم کا حصہ بنایا جا سکے۔
پاکستان سائیکلنگ فیڈریشن نے اس عزم کا اظہار کیا ہے کہ وہ نچلی سطح سے لے کر قومی سطح تک سائیکلنگ کے فروغ کے لیے سرگرم ہے اور نوجوان کھلاڑیوں کو ملک بھر میں اپنی صلاحیتیں دکھانے کے زیادہ سے زیادہ مواقع فراہم کرے گی۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…