Categories: Sports

باجوڑ میں منعقدہ فیسٹیول رنگارنگ تقریب کیساتھ اختتام پذیر

باجوڑ:17اکتوبر2022(پ ر)محکمہ سیاحت، ثقافت، کھیل، آثارقدیمہ، میوزیم و امورنوجوانان خیبرپختونخوا کے زیرانتظام خیبرپختونخوا کلچراینڈ ٹورازم اتھارٹی، ٹورازم اتھارٹی ضم اضلاع ونگ، ضلعی انتظامیہ باجوڑ اور باجوڑسکاؤٹس کے باہمی اشتراک سے منعقدہ باجوڑ فیسٹیول رنگارنگ تقریب کیساتھ اختتام پذیر ہوگیا۔

اختتامی روز جیپ ریلی، موٹر بائیک ریلی، سائیکل ریس، کھانے پینے کے سٹالزسمیت مقامی اور قومی فنکاروں نے محفل موسیقی میں اپنی آواز کا جادو جگایا۔ فیسٹیول میں فرنٹیئر 4×4 کلب کے تعاون سے جیپ ریلی باجوڑ سپورٹس کمپلیکس تا سری سرٹاپ اورواپس سپورٹس کمپلیکس،موٹرسائیکل ریلی سپورٹس کمپلیکس تا لائسم سکاؤٹس سے ہوتی ہوئی واپس سپورٹس کمپلیکس جبکہ سائیکل ریس باجوڑ سپورٹس کمپلیکس تا صادق آباد پھاٹک سے ہوتی ہوئی واپس سپورٹس کمپلیکس پر اختتام پذیر ہوئی۔

فیسٹیول میں محفل موسیقی میں استاد شاہد علی خان، شوکت محمود، شہزاد خیال، زبیر نوازنے اپنی آواز کا جادو جگایا جبکہ میر اوس خان کمیڈین نے مزاحیہ خاکے پیش کئے۔ اختتامی تقریب کے موقع پر ڈپٹی کمشنر باجوڑ فہد وزیر مہمان خصوصی تھے۔ان کے ہمراہ پراجیکٹ ڈائریکٹر ٹورازم اتھارٹی ضم اضلاع اشتیاق خان، اسسٹنٹ کمشنر باجوڑ ذوہیب خان سمیت دیگر اہم شخصیات موجودتھیں۔تقریب سے خطاب میں ڈپٹی کمشنر باجوڑ فہد وزیر کا کہنا تھا کہ باجوڑ پرامن شہر ہے اور یہاں سیاحت کے کثیر تعداد میں سیاحتی مقامات موجود ہیں۔

فیسٹیول میں جیپ ریلی اور موٹربائیک ریلی کے انعقاد کا مقصد بھی یہی تھا کہ یہاں کے سیاحتی مقامات کو دنیا میں اجاگر کیا جائے۔ مستقبل میں بھی ایسی سرگرمیوں کا انعقاد کیا جائے گا۔ پراجیکٹ ڈائریکٹر ٹورازم ونگ ضم اضلاع اشتیاق خان کا کہنا تھا کہ ضم اضلاع میں باجوڑ کے بعد کرم، تیراہ اور وزیرستان میں بھی فیسٹیول کا انعقاد کیا جائے گا۔ اس سے قبل خیبر، اورکزئی اور دیگر ڈسٹرکٹ میں سرگرمیاں منعقد کی تھی جس کا مقصد دنیا کو امن کا مثبت پیغام دینا ہے۔

جلد یہاں پر نئے سیاحتی مقامات، سیاحوں کیلئے ریسٹ ایئریاز، کیمپنگ پاڈز اور دیگر سیاحتی پراجیکٹس کاآغاز کیا جائے گا۔ ایونٹ میں پہلے روز باجوڑ کی روایتی گیم سخی سمیت کبڈی، رسہ کشی، مارشل آرٹس کے مقابلے ہوئے جبکہ شہریوں کیلئے کھانے پینے کی اشیاء اور ہینڈی کرافٹ کے سٹالز، بچوں کو فیسٹیول میں لطف اندوز کرنے کیلئے جوکر تماشا، پلے ایئریا، جمپنگ پیڈلگائے گئے تھے۔ فیسٹیول میں رسہ کشی میں اتمان خیل گرین کی ٹیم نے ماموند ٹائیگرز کو دو صفر جبکہ ماموند کی ٹیم نے کبڈی میں خار کی ٹیم کو تین کے مقابلے میں دو سے شکست دیکر ٹرافی اپنے نام کی جبکہ مارشل آرٹس کے مختلف مقابلے پیش کئے گئے۔ فیسٹیول میں سکول طلباء نے مختلف ٹیبلو بھی پیش کئے۔

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

4 hours ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

15 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

22 hours ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

1 day ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

2 days ago