پشاور( سپورٹس رپورٹر)ڈائریکٹریٹ آف سپورٹس ضم اضلاع کے زیراہتمام منعقدہ قبائلی اضلاع میجر گیمز اختتام پذیر ہوگئیں ، سائوتھ وزیر ستان کے کھلاڑیوں نے بہترین پرفارمنس کامظاہرہ کرتے ہوئے تاریخ میں پہلی مرتبہ میجر ٹرافی اپنے نام کرلی ، ضلع خیبر نے دوسری اور باجوڑ نے تیسری پوزیشن حاصل کی ۔
طہماس خان فٹبال سٹیڈیم میں کھیلے گئے فٹبال کے فائنل میں سائوتھ وزیرستان نے سب ڈویژن کوہاٹ کو تین ایک سے شکست دیکر ٹرافی اپنے نام کرلی ، اس موقع پر ڈائریکٹر سپورٹس ضم اضلاع پیر عبداللہ شا مہمان خصوصی تھے جنہوں نے ایونٹ کے فاتح کھلاڑیوں میں انعامات تقسیم کئے، ڈپٹی ڈائریکٹر مفتاح اللہ ایڈمن آفیسر وفوکل پرسن اعوان حسین ، ضلع خیبر کے ڈی ایس او راحید گل ملاگوری ضلع کوہاٹ کے ساجد آفریدی،ڈسٹرکٹ سپورٹس آفیسر تاج وزیر سمیت دیگرشخصیات موجود تھیں، میجر گیمز میں سائوتھ وزیر ستان نے ہاکی ، کبڈی اور فٹبال میں پہلی پوزیشن حاصل کی ،اتھلیٹکس میں ضلع خیبر نے پہلی ، باجوڑ نے دوسری اور کرم نے تیسری پوزیشن حاصل کی ، باسکٹ بال میں خیبر نے پہلی ، باجوڑ نے دوسری ، ہاکی میں سائوتھ وزیر ستان نے پہلی ، ضلع خیبر نے دوسری پوزیشن اپنے نام کی ، والی بال میں باجوڑ نے پہلی ، نارتھ وزیرستان نے دوسری ، کبڈی میں سائوتھ وزیرستان نے پہلی اور مہمند نے دوسری پوزیشن حاصل کی جبکہ فٹبال میں سائوتھ وزیرستان نے پہلی اور سب ڈویژن کوہاٹ نے دوسری پوزیشن حاصل کی ۔
فٹ بال فائنل کے پہلے ہاف کے آخری منٹ میں جنوبی وزیرستان کے یاسر نے گول کرکے اپنی ٹیم کو ایک گول کی سبقت دلائی ، کھیل کے آخری لمحات میں جنوبی وزیرستان کے ذوالفقار نے یکے بعد دیگرے دو مزید گول ٹیم کو تین صفر سے کامیابی دلادی ۔فٹ فائنل جیتنے کے ساتھ جنوبی وزیرستان ضم شدہ اضلاع سپورٹس فیسٹول کی جنرل ٹرافی بھی جیت گیا۔تیمور کو پلیر آف دی ٹورنا منٹ جبکہ شمالی وزیرستان کو فیر پلے ٹرافی دی گئی۔
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…
خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…