Historic achievement of the Neurosurgery Department at Lady Reading Hospital Peshawar
پشاور: لیڈی ریڈنگ اسپتال کے نیورو سرجری ڈیپارٹمنٹ نے طب کی دنیا میں ایک اہم سنگِ میل عبور کرتے ہوئے پہلی بار جدید کیمروں اور خصوصی مشینری کی مدد سے دماغ کی شریان کے 15 کامیاب آپریشن مکمل کر لیے ہیں۔
ترجمان محمد عاصم کے مطابق یہ کامیابی مختلف یونٹس کے بھرپور ٹیم ورک کا نتیجہ ہے جنہوں نے اس پیچیدہ مشن کو ممکن بنانے کے لیے مسلسل محنت کی۔
اس اہم سرجیکل مشن کی قیادت امریکا سے آئے پاکستانی نژاد نیورو سرجن ڈاکٹر عقیل پاپانی نے کی، جنہوں نے نہ صرف تمام آپریشنز اپنی نگرانی میں انجام دیے بلکہ ایک کروڑ روپے سے زائد کا خرچ بھی ذاتی طور پر برداشت کیا۔ اس تاریخی اقدام کا سب سے قابلِ ذکر پہلو یہ ہے کہ تمام آپریشنز مریضوں کے لیے بالکل مفت کیے گئے۔
ترجمان کے مطابق ایل آر ایچ کے ڈین پروفیسر صاحبزادہ محمود نور اور اسپتال ڈائریکٹر ڈاکٹر محمد ابرار خان نے اس مشن کے لیے خصوصی انتظامی تعاون فراہم کیا، جس کے باعث پیچیدہ نوعیت کے دماغی آپریشن انتہائی محفوظ اور مؤثر طریقے سے انجام پائے۔
یہ کارنامہ نہ صرف لیڈی ریڈنگ اسپتال بلکہ ملک کے لیے بھی قابلِ فخر لمحہ ہے، کیونکہ اس سے مقامی اسپتالوں میں جدید نیورو سرجری کی استعداد میں اضافہ ہوا ہے اور مریضوں کو بین الاقوامی معیار کے علاج کی فراہمی ممکن ہوسکی ہے۔
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…