Peshawar: Matric examination results will be announced on August 22
خیبر پختونخوا حکومت نے اعلیٰ تعلیم کے شعبے میں اہم پیش رفت کرتے ہوئے ایسوسی ایٹ ڈگری کے حامل امیدواروں کو سرکاری ملازمتوں کے لیے اہل قرار دینے کا فیصلہ کر لیا ہے۔ صوبائی وزیر برائے اعلیٰ تعلیم مینا خان آفریدی کے مطابق یہ اقدام تعلیمی میدان میں زیادہ سے زیادہ مواقع فراہم کرنے اور طلبہ کے لیے آسانیاں پیدا کرنے کی غرض سے کیا گیا ہے۔
مینا خان آفریدی نے بتایا کہ اب خیبر پختونخوا کے کالجز اور جامعات میں چار سمسٹرز یعنی دو سال پر مشتمل ایسوسی ایٹ ڈگری پروگرام کو بی ایس پروگرامز کے ساتھ شامل کر دیا جائے گا۔ انہوں نے واضح کیا کہ صرف انہی بی ایس پروگرامز کو ایسوسی ایٹ ڈگری میں بدلا گیا ہے جہاں طلبہ کی تعداد وقت کے ساتھ کم ہوتی جا رہی تھی۔
ان کا کہنا تھا کہ اس فیصلے کے تحت طلبہ دو سال کی تعلیم مکمل کرنے کے بعد ایسوسی ایٹ ڈگری حاصل کر سکیں گے، جس کے بعد وہ یا تو ملازمت کے مواقع تلاش کر سکتے ہیں یا پھر تعلیم کو جاری رکھتے ہوئے کسی بھی کالج یا یونیورسٹی سے بی ایس ڈگری مکمل کر سکتے ہیں۔
یہ فیصلہ ہائر ایجوکیشن کمیشن (ایچ ای سی) کی پالیسی کے مطابق کیا گیا ہے، جس کے تحت ایسوسی ایٹ ڈگری ہولڈرز کو مزید تعلیم کے دروازے کھلے رکھنے کی اجازت دی گئی ہے۔
ماہرین تعلیم اور طلبہ نے حکومت کے اس اقدام کو خوش آئند قرار دیا ہے اور کہا ہے کہ اس سے نہ صرف تعلیم کا معیار بہتر ہوگا بلکہ معاشی دباؤ کے شکار طلبہ کو بھی ریلیف ملے گا۔
دن میں دھونی کا فین رات میں اسپائیڈر مین، پشاور سے منظم ڈکیت گروہ کا…
خیبرپختونخوا میں آج سے بارشوں کا نیا سلسلہ شروع ہونے کا امکان خیبرپختونخوا کے مختلف…
پشاور بورڈ کا بڑا اعلان، 7سے 10اکتوبر کے ایس ایس سی پرچے ملتوی پشاور:بورڈ آف…
پشاور میں مبینہ اغواء کا ڈرامہ رچانے والا نوجوان بحفاظت بازیاب پشاور: ورسک ڈویژن کے…
پشاور: خیبر ٹیچنگ ہسپتال میں پہلی روبوٹک گھٹنے کی تبدیلی کی سرجری پشاور: خیبر ٹیچنگ…
پشاور میں احتجاج کرنے والے یونیورسٹی طلباء پر سیکیورٹی گارڈز کی فائرنگ طلباء ہاسٹل میں…