Desecration of Quran: Kuwait announces to print 100,000 Holy Quran in Swedish language
جیو نیوز: عرب میڈیا کے مطابق، کویت میں کونسل آف منسٹر کی ہفتہ وار میٹنگ کے دوران سویڈش زبان میں ایک لاکھ قرآن پاک کے نسخے چھاپنےکا فیصلہ کیا گیا ہے۔
کویت کے وزیراعظم شیخ احمد نواف الاحمد کی سربراہی میں طے پایا کہ عقیدہ اسلام کی رواداری کے فروغ کیلئے کویت سویڈش زبان میں مقدس قرآن پاک کے ایک لاکھ نسخوں کی اشاعت کرے گا جسے سویڈن میں تقسیم کیا جائے گا۔
عرب میڈیا کی رپورٹ میں بتایا گیا ہے کہ وزیراعظم کویت کی ہدایات پر پبلک اتھارٹی آف کیئر کو سویڈش زبان میں ایک لاکھ قرآن پاک کی اشاعت کا کام سونپا گیا ہے۔
کویت کی وزارت داخلہ کے مطابق سویڈش زبان میں چھاپے گئے قرآن پاک کے نسخوں کوسویڈن میں اسلامی اصولوں، اقدار ، امن ومحبت کے فروغ کے ساتھ ساتھ نفرت ، انتہا پسندی اور مذہبی عدم برداشت جیسے جذبات کو مسترد کرنے کیلئے تقسیم کیا جائے گا۔.
خیال رہےکہ سویڈن کے دارالحکومت اسٹاک ہوم کی مسجد کے باہر عید الاضحیٰ کے روز قرآن پاک کو نذرآتش کرنے اور بے حرمتی کا واقعہ پیش آیا تھا۔
اسٹاک ہوم کی پولیس نے عراق سے تعلق رکھنے والے شہری کو کئی بار قرآن پاک نذر آتش کرنے کی اجازت دینے سے انکار کیا تھا لیکن مقامی عدالت نے پولیس کے فیصلے کو آزادی اظہار رائے کے خلاف قرار دیا۔
سویڈن میں قرآن پاک کی بے حرمتی پر دنیا بھر میں مسلمان سراپا احتجاج ہیں اور کئی ممالک میں ریلیاں نکالی جا رہی ہیں جب کہ حکومت پاکستان کی طرف سے اس سلسلے میں یوم تقدیس قرآن بھی منایا گیا۔
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…