Categories: Latest News

خیبرپختونخوا میں پہلی مرتبہ خواجہ سرا بھی انتخابی میدان میں کود پڑے

پشاور ویب ڈیسک: صوبہ خیبرپختونخوا میں پہلی مرتبہ خواجہ سرا بھی انتخابات میں سیاستدانوں کا مقابلہ کرنے کے لیے کود پڑے ہیں۔

تفصیلات کے مطابق خواجہ سرا صوبیاخان نے انتخابات میں حصہ لینے کیلئے کاغذات نامزدگی جمع کرا دیے ہیں۔ کے پی کے کی تاریخ میں ایسا پہلی بار ہوگا کہ کوئی خواجہ سرا انتخابی میدان میں اترے گا۔

فروری میں ہونے والے انتخابات کے لیے صوبیا خان کی جانب سے پی کے 81 سے آزاد حیثیت میں کاغذات نامزدگی جمع کرائے گئے ہیں۔

خواجہ سرا صوبیا خان کا کہنا ہے کہ انتخابات جیت کر خواجہ سرا کمیونٹی کے حقوق کیلئے کام چاہتی ہوں۔ علاقے میں ڈور ٹو ڈور جاکر انتخابی مہم چلاؤں گی۔

ملک بھر میں آئندہ عام انتخابات کے لیے سیاسی گہما گہمی تیز ہوگئی ہے اور کئی بڑے سیاستدانوں نے کاغذات نامزدگی فارم جمع کرا دیے ہیں۔

نواز شریف، شہبازشریف، مریم نواز، آصف زرداری، خورشید شاہ، فیصل کریم کنڈی، جہانگیرترین، علیم خان، چوہدری نثار، شیخ رشید، آفتاب شیر پاؤ سمیت کئی سیاسی رہنماوں نے کاغذات نامزدگی حاصل کرلیے ہیں۔

متعدد سیاستدانوں نے کاغذات نامزدگی جمع بھی کرا دیے ہیں، بانی چیئرمین پی ٹی آئی تین حلقوں لاہور، میانوالی اور اسلام آباد سے الیکشن میں حصہ لیں گے تاہم ان کی جانب سے تاحال کسی نے بھی کاغذات نامزدگی حاصل نہیں کیے ہیں۔

ترجمان الیکشن کمیشن کے پی کے مطابق خیبر پختونخوا سے مخصوص نشستوں کے لیے 300 امیدواروں نے کاغذات نامزدگی حاصل کیے جن میں سے اقلیتی نشستوں کے لیے 100 سے زائد فارم حاصل کیے گئے۔ 20 امیدواروں نے جنرل نشستوں کیلیے کاغذات نامزدگی حاصل کیے ہیں۔

الیکشن کمیشن کے شیڈول کے مطابق جمعہ 22 دسمبر شام ساڑھے چار بجے تک امیدوار اپنے کاغذات نامزدگی جمع کرا سکتے ہیں جس کے بعد ہفتہ 24 دسمبر کو امیدواروں کی ابتدائی فہرست جاری کی جائے گی۔

via: ARY News

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

6 hours ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

17 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

1 day ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

1 day ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

2 days ago