سارہ سے ملیے؛ یہ سعودی عرب کا پہلا روبوٹ ہے جو مقامی لہجے میں بات چیت کرسکتا ہے، رقص کرسکتا ہے اور سوالات کا جواب دے سکتا ہے۔
سرکاری خبر رساں سعودی پریس ایجنسی نے منگل کو ایک رپورٹ میں بتایا کہ سارہ، ریاض میں لیپ 2023 کانفرنس کے ڈیجیٹل پویلین میں آنے والوں کا خیرمقدم کر رہی ہے۔
اس روبوٹ میں موجود ایک کیمرہ مصنوعی ذہانت کا استعمال کرتے ہوئے سامنے کھڑے لوگوں کو پہچانتا ہے۔
“ہیلو سارہ” سے مخاطب کیے جانے پر روبوٹ آپ سے بات چیت کرنے پر آمادہ ہو جائے گا۔
سارہ مصنوعی ذہانت کے ذریعے تربیت یافتہ ماڈل ہے جو سعودی مملکت میں پائی جانے والی مختلف بولیوں کو پہچانتی ہے، فقروں کا تجزیہ کرتی ہے ، مفہوم کو سمجھتی ہے، پھر مناسب جواب دیتی ہے۔
سارہ اس سال کے لیپ ایونٹ کا اہم حصہ ہے۔ یہ ایک بڑی ٹیکنالوجی کانفرنس کا دوسرا ایڈیشن ہے جو گذشتہ سال ریاض میں شروع کی گئی، جس میں اسنیپ، آرامکو، اور زوم سمیت متعدد کمپنیوں کے نمائندے اپنی ایجادات کی نمائش کرتے ہیں۔
لیپ کانفرنس کا آغاز کلاؤڈ کمپیوٹنگ سروس اوریکل کی جانب سے سعودی عرب میں 1.5 بلین ڈالر کی سرمایہ کاری کے اعلان کے ساتھ ہوا تھا۔
لیپ کانفرنس پیر 6 فروری سے جمعرات 9 فروری تک ریاض فرنٹ ایکسپو سینٹر میں منعقد ہو رہی ہے۔
اس میں 50 ممالک کے 720 سے زیادہ اسپیکر شامل ہوں گے۔ دیگر نمائش کنندگان میں گوگل ، نیوم، ماسٹرکارڈ ، ایرکسن، اور ہانگ کانگ کے خصوصی انتظامی علاقے کے چیف ایگزیکٹو جان لی شامل ہیں۔
مجموعی طور پر 100,000 سے زیادہ لوگوں کی کانفرنس میں شرکت متوقع ہے، جس کا اہتمام مملکت کی وزارت برائے مواصلات اور انفارمیشن ٹیکنالوجی نے “تحلف” کے ساتھ مل کر کیا ہے۔
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…
خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…
پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…