Goods Transport Alliance begins indefinite strike
لاہور: آل پاکستان گڈز ٹرانسپورٹ اتحاد نے ہفتہ سے غیر معینہ مدت کے لیے ملک گیر ہڑتال شروع کر دی ہے۔ صدر آل پاکستان گڈز ٹرانسپورٹ اتحاد ملک شہزاد اعوان نے ہڑتال کی تصدیق کرتے ہوئے کہا ہے کہ وفاقی حکومت نے ٹرانسپورٹ اتحاد کو پیر کے روز مذاکرات کے لیے طلب کر لیا ہے۔
ملک شہزاد اعوان کے مطابق حکومت سے ملاقات کے لیے ٹرانسپورٹ اتحاد کی کمیٹی تشکیل دے دی گئی ہے۔ ان کا کہنا تھا کہ حکومت کے ساتھ اجلاس اور آئندہ کے لائحہ عمل کے اعلان تک ہڑتال جاری رہے گی۔
انہوں نے بتایا کہ گڈز ٹرانسپورٹ اتحاد اور حکام کے درمیان کمشنر آفس میں ہونے والے مذاکرات کامیاب نہیں ہو سکے، جس کے بعد ہڑتال کا فیصلہ کیا گیا۔
ٹرانسپورٹرز کا کہنا ہے کہ پٹرول اور ڈیزل کی قیمتوں میں حالیہ اضافہ، پیٹرولیم مصنوعات کی قیمتوں کے روزانہ بنیادوں پر تعین اور ٹرانسپورٹ سیکٹر پر 7 فیصد ود ہولڈنگ ٹیکس کا نفاذ ان کے اہم مطالبات میں شامل ہے۔
آل پاکستان گڈز ٹرانسپورٹر اونرز ایسوسی ایشن کے صدر اویس چوہدری نے مطالبہ کیا کہ 10 ویلر گاڑیوں کو 35 ٹن وزن لے جانے کی اجازت دی جائے، ڈیزل کی قیمتوں اور ٹول ٹیکس میں فوری ریلیف فراہم کیا جائے، جبکہ ناجائز چالان، بھاری جرمانوں اور گاڑیاں ضبط کرنے سے متعلق قوانین میں بھی تبدیلی کی جائے۔
انہوں نے ود ہولڈنگ ٹیکس میں کمی اور ڈرائیورز کو ہیوی ڈرائیونگ لائسنس جاری کرنے کا بھی مطالبہ کیا۔
ہڑتال کے باعث لاہور میں گڈز ٹرانسپورٹ اور منی مزدا ٹرانسپورٹ کی سروسز بند ہو گئی ہیں۔ گڈز ٹرانسپورٹ اڈوں تک محدود ہو گئی جبکہ گاڑیوں کی روانگی بھی روک دی گئی ہے۔
دوسری جانب آل پاکستان پیٹرول پمپ اونرز ایسوسی ایشن نے بھی گڈز ٹرانسپورٹرز کی ہڑتال کی حمایت کا اعلان کیا ہے۔ وائس چیئرمین نعمان علی بٹ نے کہا کہ گڈز ٹرانسپورٹرز کا موقف درست ہے اور روزانہ کی بنیاد پر پٹرولیم مصنوعات کی قیمتوں میں تبدیلی ناقابل قبول ہے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…