Khyber Pakhtunkhwa: 30 goats killed as farm collapses due to rain, causing loss of millions
خیبرپختونخوا کے ضلع مردان کی تحصیل رستم میں حالیہ بارشوں نے بڑے پیمانے پر نقصان پہنچایا ہے، جہاں چنڑکی ڈھیری کے مقام پر بکری فارم گرنے سے 30 سے زائد بکریاں ہلاک اور لاکھوں روپے کا نقصان ہوا ہے۔ فارم کے مالک عمر شید کے مطابق حادثے میں تین بکریاں زخمی بھی ہوئیں، جبکہ فارم کی عمارت اور اندر موجود ساز و سامان مکمل طور پر تباہ ہو گیا۔
عمر شید نے میڈیا سے بات کرتے ہوئے بتایا کہ مجموعی طور پر انہیں 25 لاکھ روپے کا نقصان ہوا ہے، جس میں صرف بکریوں کی مالیت 10 لاکھ روپے بتائی گئی ہے۔ انہوں نے صوبائی حکومت سے مالی معاونت کی اپیل کی ہے تاکہ قدرتی آفت سے پہنچنے والے اس نقصان کا ازالہ ممکن ہو سکے۔
ادھر محکمہ سیاحت خیبرپختونخوا نے حالیہ موسمی صورت حال کو مدنظر رکھتے ہوئے سیاحوں کے لیے ایڈوائزری جاری کر دی ہے۔ سیکرٹری سیاحت ڈاکٹر عبدالصمد کے مطابق صوبے کے سیاحتی مقامات پر 21 سے 29 جولائی کے دوران فلیش فلڈز کا خطرہ موجود ہے۔ ایڈوائزری میں سیاحوں کو غیر ضروری سفر سے گریز، خطرناک علاقوں اور دریاؤں کے کنارے نہ جانے کی ہدایت کی گئی ہے۔
ڈاکٹر عبدالصمد نے کہا کہ لوگ بار بار خبردار کرنے کے باوجود ہدایات پر عمل نہیں کرتے جس سے خطرات بڑھ جاتے ہیں۔ انہوں نے سیاحوں کو تاکید کی کہ کسی بھی سیاحتی مقام کی طرف روانگی سے پہلے 1422 ہیلپ لائن پر کال کریں اور مقامی انتظامیہ سے رہنمائی حاصل کریں۔
انہوں نے مزید بتایا کہ گزشتہ روز بھی کاغان ڈیولپمنٹ اتھارٹی نے 500 سے زائد سیاحوں کو ریسکیو کیا، جب کہ جھیل سیف الملوک روڈ پر کلاؤڈ برسٹ کے باعث تودہ گرنے سے سڑک بند ہو گئی تھی۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…