Categories: Latest News

خیبرپختونخوا: بارشوں کے نئے سلسلے سے متعلق پی ڈی ایم اے کا الرٹ جاری

خیبرپختونخوا: بارشوں کے نئے سلسلے سے متعلق پی ڈی ایم اے کا الرٹ جاری

خیبرپختونخوا کے بالائی اور وسطی اضلاع میں 02 سے 04 مئی کے دوران تیز ہواؤں، گرج چمک کے ساتھ بارشوں اور بعض علاقوں میں ژالہ باری کی پیشگوئی کی گئی ہے۔ 

اس حوالے سے پی ڈی ایم اے نے تمام ضلعی انتظامیہ کو الرٹ جاری کرتے ہوئے پیشگی حفاظتی اقدامات یقینی بنانے کی ہدایت کی ہے۔

پیشگوئی کے مطابق بالائی اضلاع چترال، دیر، سوات، شانگلہ، کوہستان، بونیر، مالاکنڈ، بٹگرام، مانسہرہ اور ایبٹ آباد میں بارش اور ژالہ باری کا امکان ہے۔

اسی طرح پشاور، مردان، نوشہرہ، چارسدہ، صوابی، کوہاٹ، کرم، اورکزئی، خیبر، باجوڑ، مہمند، بنوں، لکی مروت، ڈی آئی خان اور ٹانک میں بھی تیز بارشوں اور آندھی کا خدشہ ظاہر کیا گیا ہے۔

پی ڈی ایم اے کے مطابق بارشوں کے باعث بالائی اضلاع میں لینڈ سلائیڈنگ جبکہ ندی نالوں میں طغیانی کا خطرہ موجود ہے۔ میدانی علاقوں خصوصاً پشاور، مردان اور نوشہرہ میں اربن فلڈنگ کا خدشہ بھی ظاہر کیا گیا ہے۔

تیز ہواؤں اور ژالہ باری کے باعث کمزور عمارتوں، بجلی کے کھمبوں اور سولر پینلز کو نقصان پہنچنے کا امکان ہے، جبکہ کھڑی فصلیں بھی متاثر ہو سکتی ہیں۔ اس حوالے سے کسانوں کو احتیاطی تدابیر اختیار کرنے کی ہدایت کی گئی ہے۔

پی ڈی ایم اے نے ضلعی انتظامیہ کو ریسکیو ٹیموں کی تیاری، اہم شاہراہوں کی بحالی اور متبادل راستوں کی فراہمی یقینی بنانے کی ہدایت دی ہے۔ اس کے علاوہ نکاسی آب کے نظام کی صفائی اور اربن فلڈنگ سے بچاؤ کے لیے فوری اقدامات کرنے پر بھی زور دیا گیا ہے۔

سیاحوں کو غیر ضروری سفر سے گریز اور موسمی صورتحال سے مسلسل آگاہ رہنے کی ہدایت کی گئی ہے، جبکہ عوام کو بھی ندی نالوں اور خطرناک مقامات سے دور رہنے کا مشورہ دیا گیا ہے۔

Publisher

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

8 hours ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

18 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

1 day ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

1 day ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

3 days ago