پشاور: میڈیکل اینڈ ڈینٹل کالجز داخلہ ٹیسٹ ایم ڈی کیٹ کے نتائج کا اعلان

پشاور: میڈیکل اینڈ ڈینٹل کالجز داخلہ ٹیسٹ ایم ڈی کیٹ کے نتائج کا اعلان

**ویب ڈیسک:** خیبر میڈیکل یونیورسٹی خیبر پختونخوا نے میڈیکل اینڈ ڈینٹل کالجز داخلہ ٹیسٹ (ایم ڈی کیٹ) کے نتائج کا اعلان کر دیا ہے۔

ترجمان خیبر میڈیکل یونیورسٹی کے مطابق ایم ڈی کیٹ میں 194 نمبرز کے ساتھ ٹاپ پوزیشن حاصل کی گئی۔ فاطمہ زہرا علی اور محمد مدثر نے 194 نمبر حاصل کرکے مشترکہ طور پر پہلی پوزیشن اپنے نام کی۔ دوسری پوزیشن پر محمد حزیل اور وحیداللہ رہے، جنہوں نے 193 نمبر حاصل کیے۔ تیسری پوزیشن پر 8 امیدوار آئے جنہوں نے 192 نمبر حاصل کیے، ان میں محمد حمزہ علی، کنول اختر، کاشان وحید، زوبیا انس، محمد عبداللہ خان، سید مجتبیٰ حسین، آمنہ ریاض اور اعظم خان شامل ہیں۔

ترجمان نے بتایا کہ یہ ٹیسٹ صوبے کے 7 اضلاع کے 13 سنٹروں میں منعقد ہوا، جس میں 41 ہزار 671 طلبا و طالبات نے شرکت کی۔ ان میں سے 24 ہزار سے زائد طلبہ بی ڈی ایس جبکہ 21 ہزار سے زائد ایم بی بی ایس کے اہل قرار پائے۔

خیبر میڈیکل یونیورسٹی پشاور کے مطابق 670 طلبہ نے 180 سے 200 کے درمیان نمبر حاصل کیے۔