New mobile app launched in Khyber Pakhtunkhwa for registering RTI complaints
پشاور: خیبرپختونخوا انفارمیشن کمیشن نے حقِ معلومات ایکٹ 2013 کے تحت شکایات درج کرانے کے لیے جدید موبائل ایپ متعارف کرا دی ہے۔ چیف انفارمیشن کمشنر سید نذر حسین شاہ نے شہریوں کی سہولت اور سرکاری اداروں میں شفافیت کے فروغ کے لیے کے پی آر ٹی آئی کمپلینٹ مینجمنٹ ایپ کا باقاعدہ افتتاح کیا۔
نئی موبائل ایپ کے ذریعے شہری کسی بھی وقت اور کہیں سے بھی خیبرپختونخوا انفارمیشن کمیشن میں اپنی شکایات آن لائن درج کرا سکیں گے۔ اس سہولت سے شہریوں کو دفاتر کے چکر لگانے سے بچنے اور شکایات پر ہونے والی پیش رفت معلوم کرنے میں مدد ملے گی۔
افتتاحی تقریب سے خطاب کرتے ہوئے چیف انفارمیشن کمشنر سید نذر حسین شاہ نے کہا کہ حقِ معلومات کا قانون شہریوں کو بااختیار بنانے اور بہتر طرز حکمرانی یقینی بنانے میں اہم کردار ادا کرتا ہے۔ انہوں نے بالخصوص نوجوانوں پر زور دیا کہ وہ اس ایپ سے استفادہ کریں۔
موبائل ایپ کی اہم خصوصیات
• آسان شکایت کا اندراج: شہری متعلقہ سرکاری محکمہ، شکایت کی قسم اور مطلوبہ معلومات کی تفصیلات درج کرکے شکایت جمع کرا سکتے ہیں۔
• دستاویزات اپ لوڈ کرنے کی سہولت: شہری حقِ معلومات کی درخواست اور ڈاک کی رسید کی تصاویر موبائل کے ذریعے اپ لوڈ کر سکتے ہیں۔
• شکایت کی صورتحال معلوم کرنے کی سہولت: درخواست گزار ایپ کے ذریعے اپنی شکایت پر ہونے والی پیش رفت اور تازہ ترین صورتحال دیکھ سکتے ہیں۔
شہری مزید معلومات کے لیے خیبرپختونخوا انفارمیشن کمیشن کی ویب سائٹ
وزٹ کر سکتے ہیں۔
رہنمائی اور معاونت کے لیے سٹیزن فیسیلیٹیشن سینٹر کے فون نمبر 0919216557 پر بھی رابطہ کیا جا سکتا ہے۔
حکومت کا پشاور کے عمران خان کرکٹ اسٹیڈیم کا نام تبدیل کرنے کا فیصلہ اسٹیڈیم…
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…