Categories: Latest News

خیبرپختونخوا میں مون سون بارشوں کا نیا سلسلہ، پی ڈی ایم اے

خیبرپختونخوا میں مون سون بارشوں کا نیا سلسلہ، پی ڈی ایم اے

صوبائی ڈیزاسٹر مینجمنٹ اتھارٹی (پی ڈی ایم اے) نے خیبرپختونخوا میں 29 جولائی سے 5 اگست تک مزید مون سون بارشوں کی پیشگوئی کرتے ہوئے تمام ضلعی انتظامیہ کو پیشگی حفاظتی اقدامات یقینی بنانے کی ہدایت جاری کر دی ہے۔

پی ڈی ایم اے کے مطابق 29 جولائی سے مون سون ہوائیں صوبے کے بالائی اور وسطی علاقوں کو متاثر کریں گی، جبکہ یکم اگست سے مغربی ہواؤں کا سلسلہ بھی شدت اختیار کرنے کا امکان ہے، جس کے باعث مختلف اضلاع میں موسلادھار بارشیں متوقع ہیں۔

ادارے کے مطابق چترال، اپر و لوئر دیر، سوات، شانگلہ، بٹگرام، مانسہرہ اور اپر و لوئر کوہستان میں لینڈ سلائیڈنگ کا خدشہ ہے، جبکہ ان اضلاع کے مقامی ندی نالوں میں فلیش فلڈ کا بھی خطرہ موجود ہے۔

پی ڈی ایم اے نے خبردار کیا ہے کہ سوات، ایبٹ آباد، پشاور، چارسدہ، مردان، صوابی اور نوشہرہ سمیت وسطی اور میدانی علاقوں میں اربن فلڈنگ کا خدشہ ہے، جبکہ شدید بارش اور تیز ہوائیں کمزور تعمیرات، بجلی کے کھمبوں اور بل بورڈز کو بھی نقصان پہنچا سکتی ہیں۔

پی ڈی ایم اے نے ضلعی انتظامیہ کو حساس علاقوں اور کمزور آبادیوں میں پیشگی حفاظتی اقدامات یقینی بنانے، دریاؤں، ندی نالوں اور برساتی گزرگاہوں کی مسلسل نگرانی کرنے اور سیلاب، فلیش فلڈ اور لینڈ سلائیڈنگ کے خدشات والے علاقوں میں ریسکیو عملہ اور ضروری مشینری ہر وقت تیار رکھنے کی ہدایت کی ہے۔

پی ڈی ایم اے نے شہریوں اور سیاحوں کو بھی احتیاط برتنے کی تلقین کرتے ہوئے کہا ہے کہ خراب موسم کے دوران غیر ضروری سفر سے گریز کریں، دریاؤں اور ندی نالوں سے کم از کم 20 فٹ کا محفوظ فاصلہ برقرار رکھیں، بارش کے دوران سیلابی پانی میں داخل نہ ہوں اور شدید بارش کے دوران پہاڑی علاقوں میں ٹریکنگ، ہائیکنگ اور کیمپنگ سے اجتناب کریں۔

Publisher 

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

10 hours ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

21 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

1 day ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

1 day ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

3 days ago