Categories: Latest News

پاک افغان طورخم بارڈر کی بندش کو 327 دن مکمل، تجارت میں تقریباً 2.5 ارب ڈالر کا نقصان

پاک افغان طورخم بارڈر کی بندش کو 327 دن مکمل، تجارت میں تقریباً 2.5 ارب ڈالر کا نقصان

پاک افغان بارڈر طورخم کی بندش کو 327 دن گزر گئے، جس کے باعث افغانستان کے ساتھ تجارت میں تقریباً 2.5 ارب ڈالر کا نقصان ہو چکا ہے، جبکہ خیبر پختونخوا کے لاکھوں افراد متاثر اور چھوٹی صنعتوں سے وابستہ ہزاروں مزدور فاقہ کشی پر مجبور ہیں۔

تاجروں کے مطابق افغانستان کے ساتھ تمام بارڈرز کی بندش سے برآمدات کی مد میں 1.644 ارب ڈالر جبکہ درآمدات کی مد میں 817 ملین ڈالر کا نقصان ہوا ہے۔ بارڈر کی بندش کے باعث چھوٹے بڑے ٹرانسپورٹ کاروبار، ہوٹل اور بازار بھی بند ہو چکے ہیں، جس سے ہزاروں افراد کا روزگار متاثر ہوا ہے۔

تاجروں کا کہنا ہے کہ بارڈر کی بندش سے خیبر پختونخوا کو سیس ٹیکس کی مد میں 7.27 ارب روپے کا نقصان ہو چکا ہے، جبکہ راہداری تجارت بھی شدید متاثر ہوئی ہے۔ بارڈر کی بندش کے خلاف ہر فورم پر آواز اٹھائی گئی، تاہم تاحال کوئی شنوائی نہیں ہوئی۔انہوں نے مطالبہ کیا کہ بارڈر کے معاملے پر سیاست نہ کی جائے اور تجارت کو سیاست سے الگ رکھا جائے

تاجر رہنماؤں نے بتایا کہ بارڈر کی بندش کے معاملے پر اسلام آباد میں وزیر داخلہ کے ساتھ ایک اجلاس ہوا تھا، جس میں بلوچستان چیمبر آف کامرس اور سرحد چیمبر کے عہدیداران بھی شریک تھے۔ وزیر داخلہ نے یقین دہانی کرائی تھی کہ خیبر پختونخوا میں بیٹھ کر اس معاملے پر تفصیلی بات چیت کی جائے گی، تاہم تاحال یہ اجلاس منعقد نہیں ہو سکا۔

خیبر چیمبر آف کامرس کے صدر حاجی یوسف آفریدی نے خیبر چیمبر آف کامرس اینڈ انڈسٹری کے گزشتہ 5 سال کے حسابات کی جانچ کا مطالبہ کرتے ہوئے کہا کہ چیمبر کا مرکزی دفتر ضلع خیبر میں فعال کیا جائے اور بعض غیر مقامی افراد کی مبینہ مداخلت ختم کی جائے۔

ان خیالات کا اظہار خیبر چیمبر آف کامرس کے صدر حاجی یوسف آفریدی، نائب صدر واجد علی شینواری، حضرت علی بہلول، حاجی عابد اور دیگر نے پریس کانفرنس کرتے ہوئے کیا۔

Publisher 

Recent Posts

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

10 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

1 day ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

2 days ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

2 days ago