پشاور ہائیکورٹ، دوہرے قتل کے الزام میں قید خاتون کی سزا کالعدم قرار

پشاور(آئی این پی)پشاور ہائی کورٹ نے دوہرے قتل کیس میں 2 بار عمرقیدکی سزا پانے والی خاتون کی سزا کے خلاف اپیل منظورکرتے ہوئے سزا کالعدم قرار دے دی۔

پاکستان نیوز: پولیس کے مطابق خاتون نے  رشتہ دار خاتون اور  اس کے 2 سال کے بچی کو قتل کیا تھا،  خاتون کے خلاف مردان کے تھانہ جبر میں دوہرے قتل کا مقدمہ درج ہے، جرم ثابت ہونے پر خاتون کو 2022  میں ماتحت عدالت  نے دو بار عمر قید اور 4لاکھ روپے  جرمانے کی سزا سنائی تھی۔خاتون کی جانب سے سزا کے خلاف پشاور  ہائی کورٹ میں اپیل دائر کی گئی تھی۔ عدالت نے خاتون کی  سزا کالعدم قرار  دیتے ہوئے کیس دوبارہ ماتحت عدالت کو منتقل کرنیکا حکم دے دیا۔عدالت نے ملزمہ کی ذہنی بیماری سے متعلق انکوائری کرنیکا حکم بھی جاری کیا ہے۔