Khyber Pakhtunkhwa government announced to give free books and bags to school students
پشاور: رمضان المبارک میں صبح 7:30 بجے اسکولوں میں حاضری والدین کے لیے شدید تشویش کا باعث بن گئی۔ والدین نے صوبائی حکومت اور محکمہ تعلیم خیبرپختونخوا سے مطالبہ کیا ہے کہ اسکولوں کے اوقات کار تبدیل کیے جائیں تاکہ طالبات اور کم عمر بچیوں کے تحفظ کو یقینی بنایا جا سکے۔
محکمہ تعلیم خیبر پختونخوا نے رمضان کے دوران سرکاری اسکولوں کے اوقات کار تبدیل کر کے 7:30 بجے حاضری مقرر کر دی ہے۔ تاہم والدین کا کہنا ہے کہ سحری کے بعد سڑکیں ویران ہوتی ہیں، گلی کوچے سنسان ہوتے ہیں، اور لوگ عموماً صبح 9 بجے کے بعد گھروں سے باہر نکلتے ہیں۔
ایسے میں کمسن بچیوں اور طالبات کا اسکول جانا غیر محفوظ ہو سکتا ہے، کیونکہ پچھلے سال بھی رمضان المبارک میں متعدد وارداتیں ہو چکی ہیں جن میں چوری، موبائل اور پرس چھیننے کے علاوہ، ہراسانی اور دیگر سنگین جرائم شامل ہیں۔
پچھلے رمضان میں کئی طالبات اسٹریٹ کرائم اور ہراسانی کا شکار ہوئیں۔
کم عمر بچیاں صبح سویرے ویران راستوں پر زیادہ خطرے میں ہوتی ہیں۔
پولیس ماضی میں ایسے جرائم پر قابو پانے میں ناکام رہی، جس سے والدین کی تشویش میں اضافہ ہو رہا ہے۔
والدین کا کہنا ہے کہ اسکول کی ٹائمنگ 7:30 بجے کے بجائے 9 بجے سے 1 بجے تک کر دی جائے تاکہ بچوں اور خاص طور پر طالبات کو کسی بھی ناخوشگوار واقعے سے بچایا جا سکے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…