انڈر16 ٹیلنٹ ہنٹ پروگرام خواتین ٹریننگ کیمپس جاری

ڈائریکٹریس سپورٹس رشیدہ غزنوی نے تمام ٹریننگ کیمپس کا دورہ کیا
پشاور( سپورٹس رپورٹر) خیبر پختونخوا انڈر 16 ٹیلنٹ ہنٹ پروگرام کے سلسلے میںخواتین ٹرینگ کیمپس پشاور سپورٹس کمپلکس میں جاری ہیں،جس میں بیڈمنٹن ، ایتھلیٹکس ، ٹیبل ٹینس اوروالی بال کے 80 سے زائد کھلاڑیوں کو کوالیفائیڈ کوچز ٹریننگ دے رہے ہیں ، ڈائریکٹریس سپورٹس فیمل رشیدہ غزنوی نے کیمپس کا دورہ کیا،کھلاڑیوں اور کوچز کیساتھ تفصیلی گفتگو کی اس موقع پر ان کے ہمرا ڈائریکٹر اپریشن سید ثقلین شاہ،ڈائریکٹر فائنانس امجداقبال، ایڈمن آفیسر جعفر شاہ ،اے ڈی سپورٹس ذاکر،چیف کوچ شفقت اللہ سمیت دیگر موجود تھے۔ڈائریکٹریس سپورٹس فیمل رشیدہ غزنوی نے تربیتی کیمپس پر اطمینان کااظہار کرتے ہوئے کہا کہ خیبر پختونخوا حکومت کی پالیسی کے مطابق ٹیلنٹ کی تلاش میں صوبے کی تمام اضلاع میں ٹرائلز منعقد کئے گئے تھے جس میں بہترین کھلاڑیوں کا انتخاب کیا گیا اب ان کیمپس میں صوبے کی بہترین ٹیموں کا انتخاب کیا جائے گا اور ساتھ ہی نیشنل چیپمئین شپ کے لئے کھلاڑیوں کو تیار کیا جائے گا۔انہوں نے کہا کہ جہاں مرد کھلاڑیوں کو تمام سہولیات فراہم کی گئی ہے وہاں و زیراعلی خیبر پختونخوا کی ہدایات کے مطابق خواتین کو بھی برابری کی بنیاد پر تمام سہولیات فراہم کی جارہی ہے۔

ان کا کہنا تھا کہ خواتین 4 مختلف گیمز میں شرکت کر رہی ہے اور جلد ہی دوسرے گیمز جن میں صوبے اور قومی سطع پر خواتین کی کارکردگی اچھی ہے ان گیمز میں بھی اسی طرح کی ٹرائلز اور تربیتی کیمپس کا انعقاد کیا جائے گا تاکہ صوبے میں مرد کھلاڑیوں کیساتھ خواتین کھیلوں کو بھی فروغ ملے، ان کا کہنا تھا کہ کھلاڑیوں کے صلاحیتوں کو ابھرنے کے لئے کوالیفائڈ کوچز کے زیر نگرانی بہترین ٹرینگ اورسہولیات دی جا رہی ہے۔ خیبر پختونخواانڈر 16 ٹیلنٹ ہنٹ مختلف مقابلوں کے کیمپس کوالیفائیڈ کوچز کے زیر نگرانی منعقد ہے جس میں خواتین کے ٹیبل ٹینس کوچ آمنہ محمود سائرہ کائنات،بیڈ مینٹن میں بشر اور فاطمہ،والی بال میں خالد وقار، وصف اللہ،لئیق احمد جبکہ اتھلٹکس میں زعفران اور سمین شامل ہے۔میڈیا سے گفتگو کرتے ہوئیوالی بال کوچ وصف اللہ، ٹیبل ٹینس کوچ آمنہ محمود،بیڈمنٹن کوچ بشرا،اتھلیٹکس آفیشل سمن نے کہا کہ کیمپ میں موجود کھلاڑیوں کی بہترین نشونما اور ان میں نکھار لانے کے لئے گیمز کے متعلق آگاہی دینے کیساتھ ساتھ مختلف جدید تیکنیک سے بھی روشناس کیا جا رہا یے تاکہ ان کی صلاحیتوں کو مزید باہم پہنچائی جائے اور ان کو صوبائی،نیشنل اور انٹرنیشنل سطع کے مقابلوں کے لئے جدید اسطوار پر تیار کیا جا سکے۔ ان کا کہنا تھا کہ کسی بھی کھیل کو فروغ دینے کے لئے کھلاڑی کی ذہنی اور جسمانی نشونما ضروری ہے یہی وجہ ہے کہ ان ٹرینگ کیمپس کو دو حصوں میں تقسیم کیا گیا جس کے پہلے حصے میں روزانہ کی بنیاد پر ذہنی اور جسمانی تربیت پر فوکس کیا جاتا ہے جبکہ دوسرے سیشن میں گیمز ٹرینگ اور جدید ڈیل سے ٹرینگ دی جاتی ہے تاکہ کھلاڑیوں کی سٹیمنہ،سپیڈ اور استعداد کو جدید طریقے سے نکھارا جا سکے۔واضح رہے ان کیمپس میں خواتین کے گیمز کے جس میں ٹیبل ٹینس،والی بال،اتھلیٹکس اور بیڈمینٹن شامل ہے۔

via: Saad Bin Awais