نیشنل فٹسال چیمپئن شپ میں متعدد میچز کا فیصلہ

پشاور( سپورٹس رپورٹر) پانچویں نیشنل سوکر فٹسال چیمپیئن شپ میں متعدد میچز کا فیصلہ،خیبر پختونخوا،بلوچستان،کے آر کی ٹیم اور دی سکسس کی ٹیمیوں نے اپنے اپنے میچز جیت لئے۔تفصیلات کے مطابق بلوچستان کے دارلحکومت کوئٹہ کے ایوب سپورٹس کمپلکس میں جاری پانچویں نیشنل سوکر فٹسال چیپمیئن شپ کے دوسرے روز خیبر پختونخوا نے اسلام آباد کو 3-4، بلوچستان کی ٹیم نے پنجاب کو 1-9 ،کے آر کی ٹیم نے سندھ کو 4-5 جبکہ سکسس نے پنجاب کو 1-3 سے شکست دے کر کامیابی حاصل کرلی۔

اس موقع پر مہمان خصوصی صوبائی وزیر برائے پبلک ہیلتھ اور واسا بلوچستان نورمحمد نے ملک بھر سے آئے کھلاڑیوں اور افیشلز کو خوش امدید کہتے ہوئے کہا کہ کھیل نہ صرف ذہنی و جسمانی نشو و نما میں اہم و کلیدی کردار ادا کرتی ہیں بلکہ ملکوں،صوبوں اور شہروں کے کھلاڑیوں کے مابین پیار محبت،بھائی چارے اور ایصار و قربانی کے جذبے کوبھی پروان چڑھاتی بے کوئٹہ شہر میں منعقد ہونے والا فٹسال ایونٹ ملک بھر سے آئے کھلاڑی اور آفیشلز بلوچستان کی تہذیب اور ثقافت سے بھی روشناس ہوجائیں گے جو کہ اہم ہنگی کا بھی عمدہ زریعہ ہے۔اس موقع پر ان کے ہمراہ چیئرمین پاکستان سوکر فٹسال فیڈریشن ملک مہربان علی،صدر سردار حضرت علی خان،مشیر وزیرعلی پنجاب اور چیئرمین پنجاب فٹسال ایسوسی ایشن ممتاز کالو،سینئر نائب صدر پاکستان فٹسال فیڈریشن عدنان ملک،جائنٹ سیکرٹری پی ایس ایف ایف معین الدین،صدر سپورٹس رائٹر ایسوسی ایشن خیبر پختونخوا اعجاز احمد اور نائب صدر کے پی فٹسال ایسوسی ایشن عظمت اللہ بھی موجود تھے۔

انہوں نے کہا کہ۔کوئٹہ۔شہر کی خوش قسمتی اور پورے بلوچستان کے عوام کے لیے فخر کی بات یے کہ قومی سطح پر ایک بڑا ایونٹ ایوب سپورٹس کمپلیکس میں کھیلا جارہایے جس کی کامیاب انعقادکے لئیحکومت بلوچستان بھرپور تعاون کریگی۔اس موقع پر صوبائی وزیر نے بلوچستان کی خوبصورت اور تاریخی مقام زیارت کے دورے کی دعوت بھی دی۔واضع ریے کہ۔تین روزہ۔چیمپیئن شپ میں پاک پولیس،پاک ریلوے،دی سکسس،کے آر،اسلام آباد،گلگت بلتستان،آزادکشمیر،سندھ،پنجاب،خیبر پختونخوا، بلوچستان وائٹ اور بلوچستان گرین کی ٹیمیں شریک۔ہیں۔چیمپیئن شپ کا فائنل 25 اگست کو کھیلا جائے گا۔جبکہ دی سکسس فٹسال ٹیم اپنی اعزاز کی دفاع کرے گی۔