مردان موئے تھائی چیمپئن شپ ، بغداداکلب نے جیت لی

پشاور(سپورٹس رپورٹر)ڈسٹرکٹ سپورٹس آفس مردان کے زیر اہتمام اور ضلعی انتظامیہ مردان کے زیر نگرانی مردان سپورٹس کمپلیکس میں مردان موئے تھائی چیمپئن شپ کا انعقاد کیا گیا جس میں مردان کے سو سے زائد کھلاڑیوں نے شرکت کی’

ایونٹ کی افتتاحی تقریب کے مہمان خصوصی ایڈیشنل کمشنر مردان فنانس اینڈ پلاننگ نیک محمد تھے ایونٹ کے آرگنائزنگ سیکرٹری و ڈی ایس او مردان جمشید بلوچ اور سیکرٹری موئے تھائی ایسوسی ایشن عقیل احمد تھے’

ایونٹ میں خصوصی طور پر صدر کے پی موئے تھائی ایسوسی ایشن صاحبزادہ الہادی ‘ جنرل سیکرٹری عنایت اللہ خان ‘چیف ریفری جنرل سیکرٹری کک باکسنگ ایسوسی ایشن ولی محمد نے خصوصی طور پر شرکت کی’ مہمان خصوصی ایڈیشنل کمشنر مردان فنانس اینڈ پلاننگ نیک محمد نے ایونٹ کا آغاز باقاعدہ طور پر فیتہ کاٹ کرکیا اور انہوں نے بچوں کی کارکردگی کو سراہا’ ننھے فائٹرز کو اپنی طرف سے بھرپور حوصلہ افزائی کی اور کہا کہ وہ کوشش کریں گے کہ ان کھلاڑیوں کو مزید ٹریننگ کے لئے پشاور بھجوائیں تا کہ ٹیلنٹ مزید اوپر آئے

‘ایونٹ کی اختتامی تقریب کے مہمان خصوصی ایم پی اے ظاہر شاہ طور و تھے جنہوں نے ونر کھلاڑیوں میں انعامات تقسیم کئے انہوں نے اپنے خطاب میں عیدالفطر کے بعد مردان سپورٹس کمپلیکس میں آل کے پی موئے تھائی چیمپئن شپ منعقد کرنے کا اعلان کیااور کہا کہ وہ اپنے ذاتی فنڈ سے یہ ایونٹ منعقد کرائیں گے انہوں نے باکسنگ ایرینا میں بھی اپنے فنڈز سے لائٹس کی تنصیب کا بھی اعلان کیا انہوں نے پی کے 52 میں یونین کونسل لیول پر کرکٹ’ والی بال اور فٹبال کے مقابلے بھی منعقد کرنے کا اعلان کیااور کہا کہ دیگر یونین کونسلوں میں بھی مقابلے کرائے جائیں گے اورکھلاڑیوں کوکٹس اور کھیلوں کے سامان کی فراہمی بھی یقینی بنائیں گے

انہوں نے ڈی ایس او جمشید بلوچ اور ان کی ٹیم کی کارکردگی کو سراہتے ہوئے کہا کہ جب سے انہوں نے مردان سپورٹس کے ڈسٹرکٹ آفیسر نے چارج سنبھالا ہے مردان میں کھیلوں کے میدان آباد ہوگئے ہیں انہوں نے انہیں اپنی طرف سے مکمل تعاون کی یقین دہانی کرائی۔