Categories: World

مصری ملکہ کا یہ مجسمہ ، شہد کی مکھیوں نے بنایا ہے

سلوواکیہ:قدیم مصر میں فرعون کی مشہور ملکہ نفرتیتی کا ایک نایاب مجسمہ بنوایا گیا ہے جس کی قیمت 70 لاکھ روپے یعنی لگ بھگ 46 ہزار 200 ڈالر کے برابر ہے۔

لیکن یہ عام شاہکار نہیں کیونکہ اسے دوسال کی مدت میں 60 ہزار مکھیوں نے بنایا ہے۔ اسے سلوواکیہ کے نوجوان فنکار ٹامس لبرٹنی نے بنایا ہے جو شہد کے چھتے کے موم سے تیار کیا ہے۔ قریب سے دیکھنے پر اس میں چھ جہتی خانے بھی دکھائی دیتے ہیں۔ لیکن مکھیوں کو نہیں معلوم تھا کہ وہ اپنا چھتہ نہیں بلکہ چھتے کے خام مال سے ایک مجسمہ کاڑھ رہی ہیں۔

ٹامس انسان اور فطرت کے عنوان سے پہلے شہد کی مکھیوں سے کئی مجسمے اور شاہکار بھی بنواچکے ہیں۔ گزشتہ دو برس سے وہ اپنے ایک منصوبے پر کاربند تھے جس میں ملکہ نفرتیتی کا مشہور مجسمہ بھی شامل ہے۔ اسے انہوں نے ’ہمیشگی‘ اٹرنیٹی کا نام دیا ہے جو مکمل طور پر مکھیوں نے تعمیر کیا ہے۔

پہلے انہوں نے لوہے کے تاروں سے ملکہ نفرتیتی کا ایک تھری ڈی خاکہ تیارکیا اور اس ڈھانچے پر کسی طرح مکھیوں کو راغب کیا۔ مکھیاں اپنی سمجھ کے تحت چھتہ بناتی رہیں جو دھیرے دھیرے ایک مجسمے کی شکل میں ڈھل گیا۔ اس طرح دو سال کے مسلسل صبر سے ہزاروں مکھیوں نے ایک خوبصورت مجسمہ کاڑھا جو حتمی صورت میں ایک حیرت انگیز شاہکار لگتا ہے۔

لیکن اسے بنانا آسان نہ تھا کیونکہ اس سفر میں کئی مرتبہ مجسمے کی شکل بگڑ گئی اور اسے دوبارہ ٹھیک کرنا پڑا تاہم یہ اب اپنی اصل حالت میں ٹامس کےاسٹوڈیو میں موجود ہے۔ اگر کوئی خریدنا چاہے تو اسے 70 لاکھ روپے کی رقم ادا کرنا ہوگی جو بہت زیادہ ہے۔ لیکن یہ مجسمہ بتاتا ہے کہ شہد کی مکھیاں ہمارے لیے کتنا قیمتی کام کرتی ہیں کیونکہ دنیا کی نصف سے زائد فصلوں کی بارآوری میں مکھیوں کا غیرمعمولی کردار شامل ہوتا ہے۔

CONTENT PARTNER : EXPRESS NEWS


Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

3 hours ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

14 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

21 hours ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

23 hours ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

2 days ago