Categories: World

ایران: سمارٹ کیمرہ نگرانی سسٹم کی مدد سے حجاب نہ کرنے پر خاتون کو سزا سنا دی گئی

ایران میں سمارٹ سی سی ٹی وی کیمرہ سے نگرانی کے سسٹم پر عمل درآمد کرتے ہوئے حجاب نہ کرنے والی کئی خواتین کو پکڑا گیا ہے۔

العربیا نیوز: ایران میں انسانی حقوق کارکنوں کی تنظیم (ایچ آر اے آئی) نے رپورٹ کیا ہے کہ ایران کی ایک فوجداری عدالت نے ایک خاتون کو ‘سمارٹ’ سی سی ٹی وی کیمرے کے ذریعے باخبر رہنے کے بعد حجاب کی خلاف ورزی پر قید کی سزا سنائی ہے۔

تنظیم نے بتایا کہ تہران کی فوجداری عدالت کی برانچ 1088 نے نامعلوم خاتون کو حجاب کے لازمی قوانین کی مبینہ خلاف ورزی پر سزا سنائی۔ اس خاتون کو ممکنہ ایران مخالف رویے کا حوالہ دیتے ہوئے دو سال کی سفری پابندی اور دو ماہ قید کی سزا دی گئی۔

عدالتی فیصلے کے دوران جج علی اومیدی نے دعووں کی حمایت کے لیے عوامی “سمارٹ” سکیورٹی کیمروں کے استعمال کا حوالہ دیا۔ خاتون کو دماغی صحت کے معائنے کا بھی حکم دیا گیا۔ بے حجاب خواتین کے خلاف کریک ڈاؤن کرنے کی کوشش میں ایسے کیمروں کو ثبوت کے طور پر استعمال کرنے کی یہ پہلی معلوم مثال ہے۔

ایچ آر اے آئی نے اپنے ایک بیان میں کہا ہے کہ حجاب پہننے سے انکار کو مجرمانہ قرار دینا خواتین اور لڑکیوں کے اظہار رائے کی آزادی کے حق کی خلاف ورزی ہے۔

خیال رہے 16 ستمبر 2022 کو مہسا امینی کی پولیس حراست میں موت کے خلاف شروع ہونے والے مظاہروں نے پورے ایران کو ہلا کر رکھ دیا تھا۔ مہسا کو حجاب نہ کرنے پر گرفتار کیا گیا تھا۔ ان مظاہروں کے آغاز سے اب تک ہزاروں افراد کو گرفتار کیا جا چکا اور متعدد مظاہرین کو پھانسی دی جا چکی ہے۔

اپریل میں ایران کے سرکاری میڈیا نے بتایا کہ کس طرح ایران میں حکام حجاب نہ پہننے والی خواتین کی شناخت اور سزا کے لیے عوامی مقامات پر کیمرے نصب کر رہے ہیں۔

Recent Posts

حکومت کا پشاور کے عمران خان کرکٹ اسٹیڈیم کا نام تبدیل کرنے کا فیصلہ

حکومت کا پشاور کے عمران خان کرکٹ اسٹیڈیم کا نام تبدیل کرنے کا فیصلہ اسٹیڈیم…

4 hours ago

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

1 day ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

2 days ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

2 days ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

2 days ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

3 days ago