Peshawar: 12 more shops sealed for re-establishing fish market in Ghanta Ghar, owners arrested
مزید 12 دکانیں سیل، مالکان گرفتار
پشاور کے گھنٹہ گھر میں دوبارہ غیر قانونی مچھلی منڈی قائم کرنے پر ضلعی انتظامیہ نے سخت کارروائی کرتے ہوئے مزید 12 دکانوں کو سیل کر دیا اور مالکان کو گرفتار کر لیا۔ ضبط شدہ 317 کلو مچھلی فلاحی اداروں کے حوالے کر دی گئی۔
گزشتہ کارروائی اور نئی شکایات
گزشتہ روز کمشنر پشاور ڈویژن ریاض خان محسود کی ہدایت پر 8 افراد کو گرفتار کیا گیا تھا اور 134 کلو مچھلی فلاحی ادارے “زمنگ کور” کے حوالے کی گئی تھی۔ لیکن اتوار کو عوام کی شکایات پر دوبارہ کارروائی کی گئی جب یہ اطلاع ملی کہ دکانیں دوبارہ کھول دی گئی ہیں۔
ضلعی انتظامیہ کی فوری کارروائی
کمشنر پشاور ڈویژن کے سخت نوٹس کے بعد ڈپٹی کمشنر پشاور کی نگرانی میں اسسٹنٹ کمشنر سید بشارت حسین اور ایڈیشنل اسسٹنٹ کمشنر عامر شہزاد نے کوتوالی پولیس کے ہمراہ کارروائی کرتے ہوئے دکانوں کو سیل کیا اور مالکان کو گرفتار کر کے پولیس کے حوالے کر دیا۔
فلاحی اداروں کو مچھلی کی حوالگی
کارروائی کے دوران ضبط شدہ 317 کلو مچھلی الخدمت فاؤنڈیشن، ایدھی فاؤنڈیشن اور آغوش ویلفیئر آرگنائزیشن کے سپرد کی گئی تاکہ اسے فلاحی مقاصد کے لیے استعمال کیا جا سکے۔
قانون کی خلاف ورزی پر سخت وارننگ
کمشنر ریاض خان محسود نے واضح کیا کہ مچھلی منڈی کے لیے چمکنی کے علاقے میں متبادل مارکیٹ فراہم کی گئی ہے جہاں تمام سہولیات موجود ہیں۔ انہوں نے خبردار کیا کہ قوانین کی خلاف ورزی کرنے والوں کے خلاف آئندہ بھی سخت کارروائی کی جائے گی۔
حکومت کا پشاور کے عمران خان کرکٹ اسٹیڈیم کا نام تبدیل کرنے کا فیصلہ اسٹیڈیم…
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…