United Kingdom
پشاورلائیو: پی آئی اے ترجمان کے مطابق یورپی یونین کی ایوی ایشن سیفٹی ایجنسی (ایاسا) کی طرف سے پابندی ختم کرنے کے بعد قومی ایئر لائن نے یورپ کے لیے پروازیں بحال کرنے کا اعلان کر دیا ہے۔ یاد رہے کہ یہ پابندی 2020 میں لگائی گئی تھی، جس کے بعد پی آئی اے کی یورپ کے لیے تمام پروازیں معطل ہو گئی تھیں۔
ترجمان کے مطابق چار سال کے طویل وقفے کے بعد پی آئی اے کی پہلی پرواز 10 جنوری 2024 کو پیرس روانہ ہوگی۔ پرواز کی بکنگ آج، 7 دسمبر سے شروع کر دی گئی ہے۔ ابتدائی طور پر ہفتے میں دو پروازیں اسلام آباد سے پیرس کے لیے چلائی جائیں گی، جو منگل اور جمعہ کے روز روانہ ہوں گی۔
پیرس کے لیے یہ پروازیں بوئنگ 777 طیارے کے ذریعے چلائی جائیں گی۔ تاہم، لاہور سے پیرس کے لیے پروازوں کی بحالی کی کوئی حتمی تاریخ تاحال طے نہیں کی گئی ہے۔
یہ پیشرفت ملکی ایوی ایشن انڈسٹری کے لیے ایک اہم سنگ میل قرار دی جا رہی ہے، جس سے نہ صرف یورپ میں پاکستانی مسافروں کو سہولت ملے گی بلکہ قومی ایئر لائن کے عالمی آپریشن میں بھی بہتری آئے گی۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…