Immoral behavior at Gomal University: Strict action against students and organizers
پشاور لائیو– ڈیرہ اسماعیل خان: گومل یونیورسٹی کے وائس چانسلر پروفیسر ڈاکٹر شکیب اللہ نے حالیہ آئی سی آئی ٹی پروگرام کے دوران لڑکی کے لباس میں ڈانس کرنے والے طالب علم کے خلاف سخت کارروائی کے احکامات جاری کر دیے ہیں۔
تفصیلات کے مطابق، پروگرام میں ایک لڑکے نے خاتون کے حلیے میں ڈانس کیا تھا، جس پر یونیورسٹی کے ڈسپلن رولز کے تحت اسے یونیورسٹی سے فارغ کرنے کا فیصلہ کیا گیا ہے۔ وائس چانسلر نے اس واقعے کے ذمہ دار طلباء اور پروگرام آرگنائزرز کے خلاف بھی کارروائی کا نوٹیفکیشن جاری کیا ہے۔
پروگرام کی نگرانی میں کوتاہی پر دو اساتذہ کو معطل کر کے انکوائری کمیٹی تشکیل دی گئی ہے۔ ترجمان گومل یونیورسٹی نے کہا ہے کہ یہ اقدام یونیورسٹی کے ماحول کو بہتر بنانے اور مستقبل میں اس طرح کی نازیبا حرکات کی روک تھام کے لیے کیا جا رہا ہے۔
وائس چانسلر نے واضح کیا کہ کسی بھی غیر اخلاقی سرگرمی کو برداشت نہیں کیا جائے گا اور ملوث افراد کے خلاف سخت سے سخت کارروائی کی جائے گی تاکہ یونیورسٹی کا نظم و ضبط برقرار رکھا جا سکے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…