اسلام آباد : 15 مارچ، 2023: کی سولہ میں سے گیارہ پارٹنر یونیورسٹیوں کے وائس چانسلرز یوٹاہ یونیورسٹی کی جانب سے، ہائر ایجوکیشن سسٹم سٹرینتھننگ ایکٹیویٹی (ایچ ای ایس ایس اے ) کے تحت مطالعاتی دورے پر جنوبی کوریا روانہ ہوئے۔ ہفتہ بھر کے دورے کی میزبانی جمہوریہ کوریا کے انچیون میں واقع یوٹاہ یونیورسٹی کر رہی ہے۔
وائس چانسلرز کے لئے تربیتی پروگرام کا مقصد یونیورسٹی کے لیے مخصوص کاروبار اور پائیداری کے منصوبے تیار کرنا ہے۔ اس کے علاوہ انچیون میں انٹرنیشنل گلوبل کیمپس (آئی جی سی) میں تعلیمی و تحقیقی سرگرمیوں سے متعارف کرایا جائے گا جہاں ممتاز ادارے مثلاً یوٹاہ یونیورسٹی، نیویارک کی اسٹونی بروک اسٹیٹ یونیورسٹی، جارج میسن یونیورسٹی، اور بیلجیم کی گینٹ یونیورسٹی بھی شامل ہیں۔ پاکستانی اعلیٰ تعلیمی قیادت آئی جی سی مینجمنٹ اور گورننس ٹیم کے ساتھ بات چیت کرے گی تاکہ ادارہ جاتی گورننس کے نظام کو مربوط بنانے کے طریقوں کو عمل میں لایا جا سکے۔
ڈاکٹر اسلم چوہدری، یونیورسٹی آف یوٹاہ میں اکنامکس کے ریسرچ پروفیسر اور پارٹی ایچ ای ایس ایس اے کے چیف کی قیادت میں، اس مطالعاتی دورے کا مقصد ایچ ای ایس ایس اے پارٹنر یونیورسٹیوں کے لیے کاروبار اور سٹریٹجک منصوبہ بندی کا آغاز کرنا ہے۔ وائس چانسلرز جامعات کی ترقی اور توسیع کے لیے کاروباری منصوبوں کی ترقی، طے شدہ اہداف اور ان کے حصول کے لیے حکمت عملی، شراکت داری سمیت وسائل کو متحرک کرنے اور ہنگامی منصوبہ بندی جیسے موضوعات پر تربیت اور بات چیت میں مشغول ہوں گے۔
سٹریٹجک منصوبہ بندی میں ادارہ جاتی صلاحیتوں کو مضبوط کرنا پائیداری کے لیے بہت اہم ہے اور ایچ ای ایس ایس اے کی شراکت دار یونیورسٹیوں کو ایسے پروگرامز کے قابل بنائے گی جو طلباء کو کیمپس کا تجربہ فراہم کریں گے اور ملازمت کی صلاحیت کو بڑھانے میں قابلِ ذکر شراکت کریں گے۔
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…