پشاور میں موبائل انٹرنیٹ کی مسلسل بندش سے کاروبار ٹھپ، تاجروں کا اربوں روپے کے نقصان کا دعویٰ

پشاور میں موبائل انٹرنیٹ کی مسلسل بندش سے کاروبار ٹھپ، تاجروں کا اربوں روپے کے نقصان کا دعویٰ

پشاور: پشاور اور گردونواح میں موبائل انٹرنیٹ کی مسلسل بندش کے باعث تاجر برادری اور عوام کو شدید مشکلات کا سامنا کرنا پڑ رہا ہے، جبکہ تاجروں کا کہنا ہے کہ کاروباری سرگرمیاں بری طرح متاثر ہونے سے انہیں محض ایک ہی دن میں اربوں روپے کا نقصان اٹھانا پڑا ہے۔

تاجر رہنماؤں کا کہنا ہے کہ ان کا کاروبار ملک کے دیگر حصوں جیسے کہ پنجاب اور سندھ کے ساتھ براہِ راست جڑا ہوا ہے۔ روزمرہ کے آرڈرز, آن لائن ادائیگیاں, مالی لین دین, مال کی خرید و فروخت اور دیگر جملہ کاروباری امور انٹرنیٹ کے مرہونِ منت ہیں، تاہم انٹرنیٹ کی بندش سے پورا کاروباری نظام مفلوج ہو کر رہ گیا ہے۔

تاجر برادری نے دوٹوک الفاظ میں تنبیہ کی ہے کہ اگر انٹرنیٹ سروس فوری طور پر بحال نہ کی گئی اور کاروباری مشکلات کا یہ سلسلہ ختم نہ ہوا تو وہ سخت لائحہ عمل اپنانے پر مجبور ہوں گے۔ اس احتجاجی حکمت عملی میں شٹر ڈاؤن ہڑتال اور اپنے حقوق کے تحفظ کے لیے احتجاجاً پنجاب کا رخ کرنے جیسے اقدامات بھی شامل ہو سکتے ہیں۔ تاجروں نے حکومت سے پرزور مطالبہ کیا ہے کہ معیشت اور کاروبار کو مزید تباہی سے بچانے کے لیے فوری طور پر انٹرنیٹ سروس بحال کی جائے۔

Publisher