سٹی ٹریفک پولیس نے حیات آباد فیز 3 میں ڈرائیونگ لائسنس کا اجراء شروع کر دیا۔

سٹی ٹریفک پولیس پشاور نے حیات آباد اور گردونواح کے رہائشیوں کی سہولت کے لیے حیات آباد فیز 3 میں واقع ٹریفک آفس میں ڈرائیونگ لائسنس کا اجراء شروع کر دیا ہے۔

پشاور(تازہ ترین۔ 17 جنوری2022ء) سٹی ٹریفک پولیس پشاور نے حیات آباد اور گردونواح کے رہائشیوں کی سہولت کے لیے حیات آباد فیز III میں واقع ٹریفک آفس میں ڈرائیونگ لائسنس کا اجراء شروع کر دیا ہے۔

ٹریفک پولیس کے ترجمان شہاب خان نے بتایا کہ یہ اقدام چیف کیپٹل پولیس آفیسر (سی سی پی او) پشاور عباس احسن، چیف ٹریفک آفیسر عباس مجید خان مروت کی ہدایت پر کیا گیا۔

چیف ٹریفک آفیسر عباس مجید خان مروت نے کہا کہ لوگوں کو سہولت فراہم کرنے کے ساتھ ساتھ اس سے ٹریفک ہیڈ کوارٹر پر کام کا بوجھ بھی کم ہو گا۔

انہوں نے کہا کہ حیات آباد اور سٹی سیکٹر کے لوگوں کے لیے ڈرائیونگ لائسنس بنانے کا عمل جلد مکمل کر لیا جائے گا۔

انہوں نے مزید کہا کہ سٹی ٹریفک پولیس پشاور وقتاً فوقتاً متعلقہ وین کے ذریعے مختلف علاقوں، دفاتر اور کمیونٹیز کو لرنرز لائسنس جاری کرتی ہے اور یہ سلسلہ لوگوں کی سہولت کے لیے جاری رہے گا۔