متحدہ عرب امارات میں ابو ظبی کے صنعتی علاقے مسافا پر حوثی باغیوں کے مشتبہ ڈرون حملے کے نتیجے میں پیٹرول ٹینکر پھٹنے سے ہونے والے دھماکوں میں 3 افراد کی موت واقع ہو گئی ہے۔عالمی خبر رساں ایجنسی اے ایف پی کے مطابق مسافا میں مشتبہ ڈرون حملے میں تیل کی کمپنی ایڈناک کے تیل سٹوریج ایریا میں پیٹرول کے 3 ٹینکر پھٹنے سے ایک پاکستانی سمیت 2 بھارتی شہری ہلاک جبکہ 6 معمولی زخمی ہوئے۔
دوسری طرف حوثی باغیوںکے ترجمان نے عالمی خبر رساں ادارے کو بتایا کہ انہوں نے متحدہ عرب امارات میں اندر تک ایک کارروائی کی ہے جس کی تفصیلات آیندہ چند گھنٹوں جاری کر دی جائیں گی۔یاد رہے کہ یمن میں سعودی عرب اور متحدہ عرب امارات کی حمایت یافتہ اتحادی افواج نے حوثی باغیوں کے خلاف لڑائی جاری رکھی ہوئی ہے۔حوثی باغیوں نے 2014 میں یمن کے دارالحکومت صنعا سے عالمی سطح پر تسلیم شدہ حکومت کو بے دخل کردیا تھا جس کے بعد سعودی عرب اور متحدہ عرب امارات سمیت اتحادی افواج نے مداخلت کی تھی۔
حوثی باغیوں کی جانب سے اکثر سعودی عرب پر ڈرون حملے کیے جاتے رہے ہیں لیکن اس کی نسبت متحدہ عرب امارات پر بہت کم حملے کیے گئے ہیں جن میں سے اکثر کو اماراتی حکام نے ناکام بنایا ہے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…