پشاور: 27 اکتوبر2021(پ ر) خیبرپختونخوا کلچر اینڈ ٹورازم اتھارٹی کے زیر اہتمام یوم سیاہ کے موقع پر کشمیری برادری سے اظہار یکجہتی کیلئے نشتر ہال پشاور میں تصویری نمائش کا انعقاد کیا گیا جس میں مقامی سکول و کالجز کے طلباء و طالبات، شہریوں اور بزرگوں نے شرکت کی ۔ محکمہ سیاحت خیبرپختونخوا کے زیرانتظام کلچر اینڈ ٹورازم اتھارٹی خیبرپختونخوا نے یوم سیاہ کی مناسبت سے نشترہال پشاور میں کشمیری عوام سے اظہاریکجہتی کیلئے تصاویری نمائش کا اہتمام کیا ۔
نمائش میں 74 سال سے جاری کشمیری عوام پر بھارتی فورسز کے ظلم و مظالم کوعوام کے سامنے تصاویر کے ذریعے نمائش میں پیش کیا گیا ۔ اس موقع پرڈائریکٹر خیبرپختونخوا کلچر اینڈ ٹورازم اتھارٹی یوسف علی، جنرل منیجر ٹورازم سجاد حمید اور دیگر شخصیات بھی موجود تھیں ۔
ڈائریکٹر کلچر اینڈ ٹورازم اتھارٹی یوسف علی کا کہنا تھا کہ 27 اکتوبر 1947 انسانی تاریخ کا سیاہ دن تھا جب بھارتی قابض فورسز نہتے کشمیریوں پر ظلم و ستم کی ابتداء کرنے اور جموں و کشمیر پر قبضہ کرنے کیلئے سری نگر میں داخل ہوئیں اور اس دن سے آج تک کشمیریوں پر ظلم و ستم کا سلسلہ تھم نہ سکا ۔
نمائش میں شریک دیگرشرکاء کا کہنا تھا کہ آزادی مقبوضہ کشمیر کے عوام کا بنیادی حق ہے اور ہم آزادی کی اس جدوجہد میں کشمیری عوام کیساتھ شانہ بشانہ کھڑے ہیں ۔ نمائش میں کشمیری نوجوانوں ، خواتین، شہداء اور بزرگوں پر کئے جانے والے مظالم کو بھی پیش کیا گیا ۔ نمائش کے آخر میں کشمیری عوام سے اظہار یکجہتی کیلئے واک کا اہتما م بھی کیا گیا ۔
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…
پاکستان تاریخی سنگ میل سے چند روز کی دوری پر، پہلا خلا باز 25 نومبر…
سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…
خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…