Delay in clearance of Afghan passenger vehicles at Torkham border, hundreds of vehicles stuck
طورخم بارڈر پر افغانستان واپس جانے والے افغان مسافروں کی گاڑیوں کی سست رفتاری سے کلیئرنس کے باعث سینکڑوں گاڑیاں کھڑی ہوگئی ہیں، جس کے نتیجے میں مسافروں کو کئی گھنٹوں سے انتظار اور شدید مشکلات کا سامنا ہے۔
مسافروں کے مطابق ان کی گاڑیوں میں گھروں کا ضروری سامان موجود ہے، تاہم کسٹمز اور چیکنگ کے عمل میں تاخیر کے باعث گاڑیوں کی طویل قطاریں لگ گئی ہیں اور وہ کئی گھنٹوں سے کلیئرنس کے منتظر ہیں۔
مسافروں کا کہنا ہے کہ وہ پہلے ہی طویل عرصے سے مشکلات کا سامنا کرتے ہوئے افغانستان واپس جا رہے ہیں، جبکہ گھریلو سامان کی بروقت منتقلی نہ ہونے سے ان کی مشکلات مزید بڑھ گئی ہیں۔ مسافروں کے مطابق افغانستان پہنچنے والے کئی خاندان ضروری سامان نہ پہنچنے کے باعث کھلے آسمان تلے یا زمین پر سونے پر مجبور ہیں۔
واپس جانے والے افغان مسافروں نے این ایل سی اور کسٹمز حکام سے مطالبہ کیا ہے کہ انسانی ہمدردی کی بنیاد پر کلیئرنس اور چیکنگ کے عمل کو تیز کیا جائے تاکہ خواتین، بچوں، بزرگوں اور دیگر مسافروں کو غیر ضروری انتظار اور مزید مشکلات سے بچایا جا سکے۔
مسافروں نے متعلقہ حکام سے اپیل کی ہے کہ طورخم بارڈر پر گاڑیوں کی کلیئرنس کے عمل کا فوری نوٹس لیتے ہوئے کلیئرنس تیز کی جائے تاکہ گھروں کا ضروری سامان بروقت افغانستان پہنچایا جا سکے اور مسافروں کی واپسی کا عمل آسان بنایا جا سکے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…