Categories: Latest News

پشاور کی خوبصورتی کیلئے ہر ممکن کوشش کی جائےگی، سہیل آفریدی

پشاور کی خوبصورتی کیلئے ہر ممکن کوشش کی جائےگی، سہیل آفریدی

ویب ڈیسک: خیبرپختونخوا کے وزیراعلیٰ محمد سہیل آفریدی نے ری وائیٹلائزیشنز آف پشاور پلان سے متعلق اجلاس میں خطاب کرتے ہوئے کہا کہ صوبے کے چہرے پشاور کی خوبصورتی کیلئے ہر ممکن کوشش کی جائےگی۔ اجلاس میں پشاور کی ری وائیٹلائزیشن پلان پر عملدرآمد کے لیے خصوصی کمیٹی تشکیل دینے کا فیصلہ کیا گیا۔
وزیراعلیٰ خیبر پختونخوا محمد سہیل آفریدی کی زیر صدارت ری وائیٹلائزیشنز آف پشاور پلان سے متعلق اجلاس کے دوران جہاں ری وائیٹلائزیشن پلان پر عملدرآمد کے لیے خصوصی کمیٹی تشکیل دینے کا فیصلہ کیا گیا، وہیں سالڈ ویسٹ مینجمنٹ، سیوریج، ڈرینج اور واٹر سپلائی کے نظام کو بہتر بنانے اور اربن فارسٹیشن کا حکم بھی وزیراعلیٰ نے جاری کر دیا۔

اجلاس میں وزیر اعلیٰ کی جانب سے والڈ سٹی اور ہوٹیکلچر اتھارٹی کے قیام کی تجویز سے اتفاق، متعلقہ حکام کو ہوم ورک شروع کرنے کی ہدایت کی اور کہا کہ پشاور صوبے کا چہرہ ہے، اس لئے صوبائی دارالحکومت پشاور کی خوبصورتی کیلئے ہر ممکن کوشش کی جائےگی۔
محمد سہیل آفریدی نے کہا کہ پشاور کی اپ لفٹ کے لیے تمام وسائل ترجیحی بنیادوں پر فراہم کیے جائیں گے، اجلاس میں وزیراعلیٰ کو بریفنگ دیتے ہوئے بتایا گیا کہ ری وائیٹلائزیشن پلان کے تحت 165 کلومیٹر 34 مرکزی شاہراہوں کی اپگریڈیشن، اپ لفٹنگ، لائٹنگ اور بیوٹیفیکشن کی جائے گی، نئے مذبح خانوں کی تعمیر، نئی سبزی منڈیوں کا قیام، بس اڈوں کی اپگریڈشن سمیت دیگر اقدامات کیے جائیں گے۔

اجلاس کو بتایا گیا کہ ٹریفک کا مسئلہ حل کرنے کے لیے ورٹیکل پارکنگ، نئے انڈر پاسز اور فلائی اوورز کی تعمیر کی جائے گی ، پیر زکوڑی فلائی اوور تا سوری پل اور امن چوک تا کارخانوں بجلی کی تاروں کو انڈر گراؤنڈ کیا جائے گا ، پشاور میں موجود پارکوں کی اپ لفٹنگ اور دریائے کابل کے کنارے نئے تھیم پارک کی تعمیر بھی پلان کا حصہ ہے۔
وزیراعلیٰ کو بریفنگ میں یہ بھی بتایا گیا کہ حیات آباد انڈسٹریل سٹیٹ تا نادرن بائی پاس لنک روڈ اور ناصر باغ روڈ تا ریگی ماڈل ٹاؤن مسنگ لنک کی تعمیر بھی پلان کا حصہ ہے ، ری وائیٹلائزیشن پلان کے تحت پیر زکوڑی انٹر سیکشن پر کلور لیف انٹرچینج تعمیر کیا جائے گا ، حیات آباد میں ہائی ٹیک چلڈرن پارک کا قیام بھی عمل میں لایا جائے گا۔

وزیر اعلیٰ سہیل آفریدی نے کہا کہ صفائی کے لیے نئے روڈز الیکٹرک کلینرز کی خریداری ، سیوریج ٹریٹمنٹ پلانٹ کا قیام، شاہی کٹھہ کی بحالی سمیت دیگر اقدامات کیے جائیں گے ، اس موقع پر حکام نے وزیراعلی کو بتایا کہ پشاور میں موجود تاریخی مقامات، گور گھٹری، سیٹھی حویلی، بی بی جان مزار کی اصل حالت میں بحالی بھی عمل میں لائی جائے گی ، چوک یاد گار میں سٹیٹ آف دی آرٹ فوڈ اسٹریٹ قائم کی جائے گی۔

وزیر اعلیٰ سہیل آفریدی نے دوران اجلاس حکام کو ہدایت کی کہ ری وائیٹلائزیشزن پلان پر عملدرآمد کے لیے واضح ٹائم لائنز مقرر کرکے پیشرفت یقینی بنائی جائے ۔

Publisher 

Recent Posts

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا فیصلہ

خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…

7 hours ago

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے منفرد مثال قائم کردی

پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…

17 hours ago

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے

پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…

1 day ago

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

1 day ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

2 days ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

3 days ago