مالی بحران، پشاور یونیورسٹی کیلئے 32 کروڑ روپے جاری

ویب ڈیسک اگست 30, 2023 : نگران حکومت نے پشاور یونیورسٹی کے ملازمین کیلئے تنخواہوں کی مد میں 325 ملین روپے جاری کرنے کافیصلہ کرلیاہے اس سلسلے میں منظوری کے بعد محکمہ خزانہ نے رقم جاری کرنے کی کارروائی شروع کردی ہے واضح رہے کہ مالی بحران کے پیش نظر پشاور یونیورسٹی کے وائس چانسلر کی جانب سے صوبائی حکومت کو فنڈز جاری کرنے کی درخواست کی گئی تھی جس پر صوبائی حکومت کی جانب سے اس درخواست کو قبول کرتے ہوئے وائس چانسلر کو ایک مراسلہ ارسال کیاہے
جس کے مطابق ملازمین کو اگست کی مہینے کیلئے تنخواہیں دینے کے پیسے جاری کردیئے گئے ہیں محکمہ خزانہ نے محکمہ اعلی تعلیم کی سفارش پر تنخواہوں کیلئے رقم جاری کرد ی ہے یہ رقم مالی سال برائے2023.24 کے بجٹ بک کے تحت جاری کی گئی ہے ذرائع نے بتایا کہ فنڈز جاری ہونے کے بعد یونیورسٹی کے مالی بحران کا خدشہ وقتی طورپرٹل گیاہے اس رقم سے پشاور یونیورسٹی کے ملازمین کی تنخواہوں کی ادائیگی ممکن ہوسکے گی۔

via: Mashriq Tv