Categories: Latest News

کراچی تا پشاور گرمی کا راج

کراچی سے لے کر پشاور تک ملک بھر میں گرمی کا راج ہے۔

جنگ نیوز: ملک کے بیشتر علاقوں میں گرمی کی شدت برقرار ہے، بڑھتی ہوئی گرمی اور لوڈ شیڈنگ شہریوں کے لیے پریشانی کا باعث ہے، جبکہ کئی فصلوں کے لیے یہی گرمی مفید بھی ثابت ہو رہی ہے۔

سندھ کے مختلف شہر شدید گرمی کی لپیٹ میں ہیں، شہریوں نے گرمی کی شدت کو کم کرنےکے لیے برف اور ٹھنڈے مشروبات کا استعمال بڑھا دیا ہے۔

پنجاب میں بھی گرمی کی لہر برقرار ہے، جس سے فصلوں پر مثبت اثرات مرتب ہو رہے ہیں اور پیداوار میں اضافہ ہو گیا ہے، بلوچستان کے کئی علاقوں میں بھی موسم گرم اور خشک ہے۔

کراچی میں موسم گرم و مرطوب

ملک کے سب سے بڑے شہر کراچی میں آئندہ 24 گھنٹوں کے دوران مطلع جزوی ابر آلود، موسم گرم اور مرطوب رہنے کا امکان ہے۔

محکمۂ موسمیات کے مطابق شہرِ قائد میں زیادہ سے زیادہ درجۂ حرارت 34 سے 36 ڈگری سینٹی گریڈ تک جا سکتا ہے، جبکہ کم سے کم درجۂ حرارت 28 ڈگری سینٹی گریڈ ریکارڈ ہوا۔

محکمۂ موسمیات کا کہنا ہے کہ کراچی میں جنوب مغرب کی سمت سے 18 کلو میٹر فی گھنٹہ کی رفتار سے ہوائیں چل رہی ہیں، جن میں نمی کا موجودہ تناسب 60 فیصد ریکارڈ کیا گیا ہے۔

گزشتہ روز سبی دوسرا گرم ترین شہر رہا

وادیٔ کوئٹہ سمیت بلوچستان کے شمالی علاقوں میں مطلع صاف، موسم خشک اور معتدل ہے جبکہ جنوبی اور وسطی علاقوں میں موسم گرم ہے، گزشتہ روز سبی ملک کا دوسرا گرم ترین شہر رہا۔

وادیٔ کوئٹہ اور گرد و نواح میں مطلع صاف، موسم خشک اور معتدل ہے جبکہ بلوچستان کے شمالی اور شمال مشرقی علاقوں میں بھی مطلع صاف اور موسم معتدل ہے تاہم جنوبی اور وسطی علاقوں میں موسم گرم ہے۔

محکمۂ موسمیات کے مطابق آج بھی صوبے کے بیشتر اضلاع میں موسم گرم اور خشک ہے اور دن کے اوقات میں گرد آلود ہوائیں چلنے کا امکان ہے۔

آج کوئٹہ میں کم سے کم درجۂ حرارت 15 اور قلات میں 17 ڈگری سینٹی گریڈ ریکارڈ کیا گیا۔

اسی طرح جیوانی میں کم سے کم درجۂ حرارت 23 اورتربت میں 26 ڈگری سینٹی گریڈ ریکارڈ ہوا۔

گزشتہ روز کوئٹہ میں زیادہ سے زیادہ درجۂ حرارت 35 ڈگری سینٹی گریڈ ریکارڈ ہوا تھا جبکہ سبی ملک کا دوسرا گرم ترین شہر رہا جہاں زیادہ سے زیادہ درجۂ حرارت 47 ڈگری سینٹی گریڈ ریکارڈ کیا گیا۔

آج کوئٹہ میں زیادہ سےزیادہ درجہ حرارت 35سے 37 ڈگری سینٹی گریڈ رہنے کا امکان ہے۔

پشاور میں موسم گرم و خشک

محکمۂ موسمیات کے مطابق صوبۂ خیبر پختون خوا کے دارالخلافہ پشاور میں موسم گرم اور خشک رہے گا، جہاں آج زیادہ سے زیادہ درجۂ حرارت 42 ڈگری سینٹی گریڈ تک جانے کا امکان ہے۔

محکمۂ موسمیات نے بتایا ہے کہ صوبۂ خیبر پختون خوا کے بیشتر علاقوں میں موسم گرم اور خشک رہے گا۔

محکمۂ موسمیات کا یہ بھی کہنا ہے کہ خیبر پختون خوا میں بارشوں کا نیا سلسلہ 23 مئی سے شروع ہوکر 27 مئی تک جاری رہنے کا امکان ہے۔

Recent Posts

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

12 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

1 day ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

2 days ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

2 days ago