Categories: Latest News

خیبرپختونخوا: دیر، سوات میں موسلادھار بارش اور ژالہ باری سے سردی میں اضافہ

خیبرپختونخوا: دیر، سوات میں موسلادھار بارش اور ژالہ باری سے سردی میں اضافہ

پشاور: خیبر پختونخوا کے ضلع دیر اور سوات میں گرج چمک کے ساتھ موسلادھار بارش اور ژالہ باری سے سردی کی شدت میں اضافہ ہوگیا۔

دیر میں بارش اور ژالہ باری کے دوران اندھیرا چھا گیا جبکہ ندی نالوں میں طغیانی سے جی ٹی روڈ پر ٹریفک معطل ہوگیا، بارش سے بالائی علاقوں کی سڑکوں پر کٹاؤ کے بعد شہری گھروں میں محصور ہو کر رہ گئے، بارش اور ژالہ باری سے کھڑی فصلوں اور میوہ جات کے باغات سمیت گاڑیوں کو بھی نقصان پہنچا۔

شدید بارش سے بجلی کا نظام درہم برہم ہوگیا اور ضلع بھر کی بجلی منقطع ہوگئی ہے۔

دوسری جانب سوات میں بھی بارش اور ژالہ باری سے سردی کی شدت میں اضافہ ہوگیا، مینگورہ شہر میں موسلادھار بارش کے باعث ندی نالوں میں طغیانی آگئی۔

ڈبلیو ایس ایس سی کی ناقص کارکردگی ایک بار پھر بے نقاب ہوگئی، نالوں کی بروقت صفائی نہ ہونے کے باعث بند نالوں کا پانی سڑکوں پر آ گیا، بارش کا پانی سڑکوں پر بہنے سے شہریوں کو شدید مشکلات کا سامنا ہے۔

دوسری جانب پی ڈی ایم اے نے خیبرپختونخوا میں آج اور کل بارشوں اور بالائی علاقوں میں برفباری کی پیشگوئی کی ہے۔

پی ڈی ایم اے کی جانب سے بارشوں کے پیش نظر صوبے بھر میں الرٹ جاری کرتے ہوئے کہا گیا ہے کہ مختلف اضلاع میں وقفے وقفے سے گرج چمک کے ساتھ بارش کا امکان ہے، جبکہ بالائی علاقوں میں برف باری سے راستے بند ہونے کا خدشہ ہے، اس لئے شہری محتاط رہیں۔

الرٹ کیا گیا ہے کہ ایبٹ آباد، دیر، سوات، چترال اور کوہستان میں لینڈ سلائیڈنگ کا خطرہ ہے، پشاور، مردان، بنوں، ڈی آئی خان سمیت متعدد اضلاع میں بھی بارش متوقع ہے، شدید بارشوں سے کمزور مکانات، بجلی کھمبوں، اور سائن بورڈز کو نقصان پہنچ سکتا ہے۔

پی ڈی ایم اے نے تمام ضلعی انتظامیہ کو احتیاطی اقدامات اور نکاسی آب بہتر بنانے کی ہدایت کی ہے اور سیاحوں اور مسافروں کو غیر ضروری سفر سے گریز کرنے کا مشورہ دیا گیا ہے۔

Publisher 

Recent Posts

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

11 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

1 day ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

2 days ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

2 days ago