پشاور: تہکال میں دیرینہ دشمنی خونیں تصادم میں تبدیل، 2 افراد جاں بحق، 11 زخمی

پشاور: تہکال میں دیرینہ دشمنی خونیں تصادم میں تبدیل، 2 افراد جاں بحق، 11 زخمی

پشاورلائیو – تھانہ تہکال کی حدود شہید گلی، تہکال پایاں میں دیرینہ دشمنی ایک بار پھر خونریزی میں بدل گئی۔ اندھا دھند فائرنگ کے نتیجے میں دو افراد جان کی بازی ہار گئے جبکہ خواتین اور بچوں سمیت گیارہ افراد زخمی ہو گئے۔

پولیس کے مطابق فائرنگ کا واقعہ سابقہ قتل و مقاتلے کی دشمنی کا شاخسانہ ہے، جس میں ملزمان خیال گل، فخر امام (پسران میاہ گل)، برکت، مہربان شاہ (پسران موران شاہ)، اور قاضی خان ولد گل خان ساکنان تہکال نے کھلے عام فائرنگ کی۔

فائرنگ کے نتیجے میں:

 جاں بحق افراد

1. نور القمر ولد شمس القمر (سکنہ تہکال پایاں) – پولیس کے مطابق مقتول اشتہاری مجرم تھا اور قتل، اقدام قتل سمیت متعدد سنگین مقدمات میں مطلوب تھا۔
2. سہیل ولد صابر حسین (سکنہ تہکال پایاں)

 زخمی افراد

ناصر ولد محمد افضل

فرحان ولد امین اللہ

جمیل خان ولد سلیم

آصف ولد جمیل

شاہد ولد ذاکر

مسمات ذکیہ دختر گل داد

مسمات حسن زادہ زوجہ غریب گل

عرفان ولد غریب گل

وقار حسین ولد شریف حسین

محمد ایان ولد خالد حسین

عادل ولد گل نیاز

تمام زخمیوں کو فوری طور پر قریبی اسپتال منتقل کر دیا گیا ہے جہاں بعض کی حالت تشویشناک بتائی جا رہی ہے۔

پولیس نے جائے وقوعہ کو گھیرے میں لے کر شواہد اکٹھے کر لیے ہیں جبکہ ملزمان کی گرفتاری کے لیے ٹیمیں تشکیل دے دی گئی ہیں۔ مزید تفتیش جاری ہے۔

 ترجمان پشاور پولیس نے عوام سے اپیل کی ہے کہ وہ کسی بھی مشکوک سرگرمی کی فوری اطلاع قریبی پولیس اسٹیشن کو دیں تاکہ امن و امان کے قیام کو یقینی بنایا جا سکے۔