Categories: Latest News

بی آر ٹی میں نئی بسیں شامل’ خواتین کیلئے پنک بس سروس کا آغاز

بی آر ٹی میں نئی بسیں شامل’ خواتین کیلئے پنک بس سروس کا آغاز

پشاور: وزیراعلیٰ خیبرپختونخوا سہیل آفریدی نے پشاور بی آر ٹی کی نئی ہائبرڈ بسوں اور خواتین کے لیے پنک بس سروس کا افتتاح کردیا۔

ٹرانس پشاور کے مطابق نئی بسوں کی شمولیت سے بی آر ٹی کے فلیٹ میں بسوں کی مجموعی تعداد 244 سے بڑھ کر 296 ہوجائے گی۔ نئی بسوں سے مسافروں کے انتظار کا دورانیہ کم کرنے اور بی آر ٹی کی آپریشنل کارکردگی بہتر بنانے میں مدد ملے گی۔

وزیراعلیٰ سہیل آفریدی نے خواتین کے لیے پنک بس سروس کا بھی افتتاح کیا۔ ٹرانس پشاور کے مطابق پنک بس سروس گلبہار چوک سے کارخانو مارکیٹ تک چلائی جائے گی۔ اس کا روٹ 21 کلومیٹر طویل اور 18 اسٹیشنز پر مشتمل ہوگا۔

پنک بس سروس کے لیے 5 بسیں مختص کی گئی ہیں، جو پیر سے جمعہ تک چلیں گی۔ سروس صبح، دوپہر اور شام کے مصروف اوقات میں فراہم کی جائے گی جبکہ بسوں کے درمیان تقریباً 15 منٹ کا وقفہ ہوگا۔

اس موقع پر بی آر ٹی کے حیات آباد اور چمکنی ڈپو میں ایک میگاواٹ کے سولر منصوبے کا بھی افتتاح کیا گیا۔

ٹرانس پشاور کے مطابق چمکنی ڈپو کا سولر منصوبہ سالانہ تقریباً 1.38 سے 1.44 ملین یونٹ بجلی پیدا کرے گا، جس سے سالانہ 7 کروڑ 44 لاکھ روپے کی بچت متوقع ہے۔ سولر منصوبے سے سالانہ تقریباً 469 ٹن کاربن ڈائی آکسائیڈ کے اخراج میں کمی بھی متوقع ہے۔

حیات آباد بی آر ٹی ڈپو میں بس پارکنگ، ورکشاپ اور فیول اسٹیشن سمیت دیگر سہولیات موجود ہیں۔ حکام کے مطابق حیات آباد ڈپو کے فعال ہونے سے بی آر ٹی بسوں کے غیر ضروری خالی سفر میں کمی آئے گی۔

حکام کا کہنا ہے کہ نئے منصوبوں سے بی آر ٹی کی مجموعی آپریشنل کارکردگی بہتر ہوگی اور شہریوں کو سفری سہولیات میں مزید بہتری ملے گی۔

وزیراعلیٰ خیبرپختونخوا سہیل آفریدی نے کہا کہ حکومت شہریوں کو محفوظ، جدید اور ماحول دوست سفری سہولیات فراہم کرنا چاہتی ہے۔ ان کا کہنا تھا کہ جدید اور ماحول دوست پبلک ٹرانسپورٹ کے فروغ کے لیے اقدامات جاری رکھے جائیں گے۔

Recent Posts

چیئرمین پی سی بی محسن نقوی کا پشاور میں ٹرائی سیریز کروانے کا اعلان

چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…

8 minutes ago

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

14 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

2 days ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

2 days ago