Preparing to increase the price of gas for domestic and other consumers from October 1
پٹرولیم ڈویژن نے گیس کی قیمت میں اضافے کی منظوری کے حوالے سے میڈیا میں شائع ہونے والی خبر کو مسترد کرتے ہوئے اسے غلط اور حقائق کے منافی قرار دیا ہے۔
ویب ڈیسک: پٹرولیم ڈویژن کی جانب سے جاری بیان میں واضح کیا گیا کہ مشترکہ مفادات کونسل میں گیس کی قیمتوں کے حوالے سے کوئی فیصلہ نہیں کیا گیا۔بیان میں مزید کہا گیا کہ سی سی آئی نے کمرشل بنیادوں پر تیسرے فریق کو قدرتی گیس کی فروخت کی قیمت 10 فیصد سے بڑھا کر 35 فیصد کرنے کی منظوری دی ہے۔
مشترکہ مفادات کونسل نے تیسرے فریق کو گیس کی فروخت میں 50 فیصد حصہ دینے کی وزارت کی تجویز پر غور کیا تھا تاہم سی سی آئی نے آخر کار مسابقتی بنیادوں پر تیسرے فریق کو گیس کی فروخت کو موجودہ 10 فیصد سے بڑھا کر 35 فیصد کرنے کا فیصلہ کیا۔
شیئر میں اس اضافے کو قیمتوں میں اضافے کے طور پر غلط نہ سمجھا جائے۔ بیان میں کہا گیا کہ حصص میں اضافے کو غلط طریقے سے قیمتوں میں اضافے سے جوڑا گیا ہے اور تمام متعلقہ افراد کی معلومات کے لئے اس کی وضاحت کی گئی ہے۔
یاد رہے اس سے قبل یہ خبر سامنے آئی تھی کہ اوگرا نے گیس کا اوسط ٹیرف مزید 35.13 فیصد تک بڑھانے کی منظوری دے دی ہے، گیس کی قیمت میں اضافے کی منظوری یکم جنوری سے دی گئی ہے۔
اسلام آباد، پنجاب اور خیبرپختونخوا کے گیس صارفین کے لیے ٹیرف میں اوسطاً 35.13 فیصد اضافہ منظور کیا گیا جبکہ سندھ،بلوچستان کے گیس صارفین کے لیے ٹیرف میں اوسطاً 8.57 فیصد اضافے کی منظوری دی گئی ہے۔
سوئی ناردرن نے ٹیرف 435.14 روپے فی ایم ایم بی ٹی یو سے بڑھاکر نیا ٹیرف 1673.82 روپے فی ایم ایم بی ٹی یو کرنے کی منظوری دی ہے۔اوگرا نے سوئی سدرن کا ٹیرف 115.72 روپے فی ایم ایم بی ٹی یو بڑھا کر 1466.40 روپے فی ایم ایم بی ٹی یو کر دیا ہے تاہم اب پٹرولیم ڈویژن نے وضاحت جاری کردی ہے۔
حکومت کا پشاور کے عمران خان کرکٹ اسٹیڈیم کا نام تبدیل کرنے کا فیصلہ اسٹیڈیم…
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…