Peace march of the people of Khyber against the recent tension at Torkham border and the closure of the border crossing
خیبر کے رہائشیوں نے طورخم بارڈر پر حالیہ کشیدگی اور سرحدی گزرگاہ کی بندش کے خلاف امن مارچ کا انعقاد کیا، جس میں مقامی افراد اور مختلف تنظیموں کے نمائندوں نے شرکت کی۔ امن مارچ کے شرکاء نے اس موقع پر کہا کہ جنگ کسی مسئلے کا حل نہیں، اور افغانستان و پاکستان کے مسائل کا حل صرف ڈائیلاگ کے ذریعے ممکن ہے۔
شرکاء کا کہنا تھا کہ حالیہ کشیدگی سے دونوں ممالک کو اربوں کا نقصان ہوا ہے، اور دونوں ممالک کو اپنے مسائل کو بات چیت کے ذریعے حل کرنا چاہیئے۔ انہوں نے مزید کہا کہ طورخم سرحد پر تجارت کی بحالی، دوست اور امن دوست پالیسی کے تحت روزگار کے وسیع مواقع پیدا کرنے کی ضرورت ہے۔
مارچ میں شریک افراد نے یہ بھی کہا کہ حالیہ کشیدگی کی وجہ سے طورخم باچا مینہ سے مقامی لوگوں نے نقل مکانی شروع کر دی ہے، اور سرحد پر جنگ کے منفی اثرات مقامی لوگوں پر پڑ رہے ہیں۔ مقامی تاجر، ٹرانسپورٹرز اور مزدوروں کے چولہے ٹھنڈے پڑ گئے ہیں کیونکہ ان کی روزگار کا انحصار طورخم بارڈر پر ہے۔
امن مارچ کے شرکاء نے نعرے لگاتے ہوئے کہا کہ وہ امن چاہتے ہیں اور جنگ کسی مسئلے کا حل نہیں ہے۔ مارچ میں شریک افراد نے اپنے احتجاجی پیغام میں کہا کہ دونوں ممالک کے درمیان تعلقات کو بہتر بنانے اور امن قائم کرنے کے لئے فوری اقدامات کیے جائیں۔
یاد رہے کہ آج پندرہویں روز بھی پاک افغان سرحدی گزرگاہ ہر قسم کی آمدورفت کے لیے بند ہے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…