پشاور، 4.5 ارب روپے آن لائن فراڈ میں ملوث دوملزمان گرفتار

پشاور، 4.5 ارب روپے آن لائن فراڈ میں ملوث دوملزمان گرفتار

آن لائن فاریکس کے ذریعے 4.5 ارب روپے فراڈ، ایف آئی اے کی تحقیقات جاری

پشاور: ایف آئی اے نے آن لائن فاریکس ٹریڈنگ کے نام پر عوام سے ساڑھے چار ارب روپے کے فراڈ کی تحقیقات کا آغاز کر دیا ہے۔ اس اسکینڈل میں ملوث دو ملزمان کو گرفتار کر لیا گیا ہے، جبکہ مزید تحقیقات کے لیے آٹھ رکنی تحقیقاتی کمیٹی تشکیل دے دی گئی ہے۔

ذرائع کے مطابق پشاور سمیت ملک بھر میں آن لائن فاریکس ٹریڈنگ کے نام پر سرکاری و نجی ملازمین، تاجروں اور عام شہریوں سے بڑے پیمانے پر رقم ہتھیائی جا رہی تھی۔ ایف آئی اے نے معاملے کی تہہ تک پہنچنے اور مزید گرفتاریاں عمل میں لانے کے لیے کارروائیاں تیز کر دی ہیں۔

حکام کا کہنا ہے کہ آن لائن فاریکس کے ذریعے دھوکہ دہی کے واقعات میں مسلسل اضافہ ہو رہا ہے، اور متاثرہ افراد سے اپیل کی گئی ہے کہ وہ کسی بھی غیر قانونی اسکیم میں سرمایہ لگانے سے پہلے تحقیق کریں اور کسی دھوکے کا شکار ہونے کی صورت میں متعلقہ اداروں سے رجوع کریں۔

Publisher