Categories: Latest News

پشاور : اشرف روڈ پر دن دیہاڑے شہری قتل ،پولیس کارکردگی پر سوالات اٹھنے لگے

پشاور : اشرف روڈ پر دن دیہاڑے شہری قتل ،پولیس کارکردگی پر سوالات اٹھنے لگے

صوبائی دارالحکومت کے معروف تجارتی مرکز اشرف روڈ پر دن دیہاڑے سرعام فائرنگ کرکے بزرگ شہری کو قتل کردیا گیا، جبکہ ملزمان واردات کے بعد باآسانی فرار ہونے میں کامیاب ہوگئے۔
تفصیلات کے مطابق واقعہ تھانہ کابلی کی حدود میں اشرف روڈ پر پیش آیا، جہاں نامعلوم مسلح ملزم نے اسلام آباد کے رہائشی 65 سالہ شخص کو فائرنگ کا نشانہ بنایا، جس کے نتیجے میں وہ موقع پر ہی جاں بحق ہوگیا۔
پولیس کے مطابق جاں بحق شخص کی شناخت محمد علی ولد محمد اسماعیل کے نام سے ہوئی جس کا تعلق شبقدر کے علاقے دولت پورہ سے تھا جبکہ حال اسلام آباد بتائی جاتی ہے۔
فائرنگ کے بعد ملزم اپنے موٹر سائیکل سوار ساتھی کے ہمراہ جائے وقوعہ سے فرار ہوگیا۔،واقعے کے بعد پولیس نے لاش کو تحویل میں لے کر تحقیقات شروع کردی ہیں۔
ابتدائی اطلاعات کے مطابق قتل کی وجہ دیرینہ دشمنی بتائی جا رہی ہے، تاہم پولیس کی جانب سے مزید تفتیش جاری ہے تاکہ واقعے کے اصل محرکات اور ملزمان کا تعین کیا جا سکے۔
دوسری جانب اشرف روڈ کے تاجروں نے دن دیہاڑے قتل کی واردات پر تشویش کا اظہار کرتے ہوئے پولیس کی کارکردگی پر سوالات اٹھا دیے ہیں۔
تاجروں کا کہنا ہے کہ مصروف ترین تجارتی علاقے میں سرعام شہری کو قتل کرکے ملزمان کا فرار ہونا سیکیورٹی صورتحال پر بڑا سوال ہے۔
ان کا مطالبہ ہے کہ ملزمان کو فوری گرفتار کرکے علاقے میں امن و امان کی صورتحال بہتر بنائی جائے۔
تاجروں کے مطابق جب بھی کسی واقعے میں دشمنی کا پہلو سامنے آتا ہے تو پولیس کارروائی محدود ہو جاتی ہے، جبکہ شہریوں کا تحفظ پولیس کی بنیادی ذمہ داری ہے۔

Publisher 

Recent Posts

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور

پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…

9 hours ago

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل

خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…

1 day ago

پاکستان تاریخی سنگ میل سے چند روز کی دوری پر، پہلا خلا باز 25 نومبر کو خلا کیلئے روانہ ہوگا

پاکستان تاریخی سنگ میل سے چند روز کی دوری پر، پہلا خلا باز 25 نومبر…

1 day ago

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور کنیکٹیوٹی مسائل کا خدشہ

سمندر میں انٹرنیٹ کی اہم سب میرین کیبل میں خرابی، صارفین کو سست رفتار اور…

2 days ago

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی

خیبر پختونخوا میں ڈینگی وائرس کیسز کی تعداد 6 ہزار سے تجاوز کر گئی پشاور(…

2 days ago

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار

پشاور میں مبینہ جعلی میڈیکل کونسل پر ایف آئی اے کا چھاپہ، چیئرمین گرفتار پشاور:…

2 days ago