ویب ڈیسک – مئی 3, 2023 : مشرق نیوز – پشاور میں سٹریٹ کرائمزپر قابو پانے کیلئے جرائم پیشہ عناصر کی نئی تصاویرآویزاں کرنے سمیت ان کے رشتہ داروں اوران سے رابطہ کرنے والے افراد کاریکارڈ بھی اکٹھا کرنے کا فیصلہ کیا گیا ہے ۔ اس مقصد کیلئے ڈویژنز کی سطح پرٹیمیں تشکیل دیدی گئیں ہیں جبکہ جیل سے رہائی پانے والے ملزمان کی کڑی نگرانی کیلئے جیل انتظامیہ سے رابطے بھی تیز کردیئے گئے ہیں۔ عادی جرائم پیشہ افراد کی تصاویرو ڈیٹا اکٹھا کر تھانوں کی سطح پر تقسیم کرنیکی کی بھی ہدایت کی گئی ہے جس کیلئے شعبہ آئی ٹی کوٹاسک حوالے کردیاگیا ۔
اس ضمن میں گزشتہ روز ایس ایس پی آپریشنز پشاور ہارون رشید نے بات چیت کرتے ہوئے بتایاکہ جرائم پر قابو پانے کیلئے جگہ جگہ ناکہ بندیوں کے علاوہ سرچ اینڈ سٹرائیک ٹارگیٹڈ آپریشنز کئے جارہے ہیں۔ اس کے علاوہ ڈویژنل ایس پیز کی نگرانی میں بھی پولیس ٹیم جگہ جگہ کاروائیاں کررہے ہیں اورملزمان کا کریمنل ریکارڈ کی تصدیق کیلئے ویری فیکیشن سسٹم کے ذریعے چھان بین کی جارہی ہے ۔ انہوں نے بتایاکہ جیل حکام کے ساتھ رابطے مزید تیز کئے گئے ہیں تاکہ رہائی پانے والے جرائم پیشہ عناصر پر کڑی نظر رکھی جاسکے ۔
عادی جرائم پیشہ افراد کا ازسر نو ریکارڈمرتب کیاجارہا ہے جبکہ ان جرائم پیشہ افرادکی نئی تصاویر موجودہ وسابقہ پتہ ،بھائیوں، رشتہ داروں اور ہمسائیوں سمیت قریبی روابط رکھنے والوں کا ریکارڈ بھی جمع کیاجائیگا تاکہ کسی بھی جرم کی صورت میں ان سے بھی پوچھ گچھ کی جاسکے ۔ایس ایس پی نے کہا کہ گزشتہ سال کی نسبت رواں سال ایام عید میں کوئی بڑا واقعہ رونما نہیں ہوا خصوصاً سٹریٹ کرائمز کی شرح بھی گزشتہ سال کی نسبت کم رہی ہے۔
خیبرپختونخوا میں ٹریفک قوانین کی خلاف ورزی پر ڈی میرٹ پوائنٹ سسٹم نافذ کرنے کا…
پشاور کے نوجوان نے ولیمے میں یتیم بچوں، بزرگوں اور خصوصی افراد کو مدعو کرکے…
پشاور سمیت خیبرپختونخوا میں 24 گھنٹے بعد سی این جی اسٹیشنز دوبارہ کھل گئے پشاور:…
چیئرمین پی سی بی محسن نقوی کا پشاور میں ٹرائی سیریز کروانے کا اعلان پاکستان…
پشاور میں گیس بحران شدت اختیار کرگیا، بچے بغیر ناشتے سکول جانے پر مجبور پشاور…
خیبرپختونخوا کے 14شہروں میں الیکٹرک بس سروس کا منصوبہ، پہلے مرحلے میں 6 شہر شامل…