Peshawar: Guru arrested for breaking into homes in the dark of night, taking family members hostage and robbing them
پشاور: فقیر آباد ڈویژن کے تھانہ گلبہار پولیس نے اہم کارروائی کرتے ہوئے ایک بین الصوبائی خطرناک ڈکیت گروہ کو بے نقاب کر دیا۔ یہ گروہ رات کی تاریکی میں گھروں میں گھس کر اہل خانہ کو یرغمال بنانے اور کروڑوں روپے کے طلائی زیورات اور نقدی لوٹنے میں ملوث تھا۔
ایس پی فقیر آباد سید طلال احمد شاہ کے مطابق، ملزمان نے ایک واردات میں رات تقریباً تین بجے کھڑکی کے ذریعے گھر میں داخل ہو کر اہل خانہ کو یرغمال بنایا، انہیں تشدد کا نشانہ بنایا اور الماریوں و لاکرز سے قیمتی زیورات اور نقد رقم لوٹ لی۔ واردات کے دوران لاکرز کے تالے توڑنے کے لیے بڑے کٹر کا استعمال کیا گیا، جبکہ گھر میں موجود ایک رائفل بھی اپنے ساتھ لے گئے۔
پولیس نے بروقت کارروائی کرتے ہوئے ملزمان کے قبضے سے ایک کروڑ 30 لاکھ روپے نقد، اسلحہ، کٹر اور دیگر مسروقہ سامان برآمد کر لیا۔ دوران تفتیش، گرفتار ملزمان نے اپنے گروہ کے دیگر ساتھیوں کے بارے میں بھی انکشافات کیے، جن کی گرفتاری کے لیے خصوصی ٹیم تشکیل دے دی گئی ہے۔
پولیس حکام کا کہنا ہے کہ شہریوں کے جان و مال کے تحفظ کو یقینی بنانے کے لیے ایسے جرائم پیشہ عناصر کے خلاف کارروائیاں جاری رہیں گی۔
پشاور میں احتجاج کرنے والے یونیورسٹی طلباء پر سیکیورٹی گارڈز کی فائرنگ طلباء ہاسٹل میں…
مہنگائی نے پشاور کے گھرانوں کو قرض لینے پر مجبور کردیا، 89 فیصد خاندان مقروض پشاور (…
خیبرپختونخوا میں پولیس اور قانون نافذ کرنے والے اداروں کی مشترکہ کارروائی، مولانا ادریس کی…
پشاور میں شادی کی تاریخ سے انکار پر فائرنگ، 22سالہ لڑکی جاں بحق پشاور:تھانہ پہاڑی…
خیبرپختونخوا : بھانجےکی ٹک ٹاک ویڈیوز پر اعتراض، بھائی نے بہن اور بھانجی کو قتل…
بی آر ٹی میں نئی بسیں شامل’ خواتین کیلئے پنک بس سروس کا آغاز پشاور:…